Popular Bible Verses from 2 كُرُنْتُس 5

Share

وَ كَنْ أَيِّ نَادُمْ عِنْدَهْ عَلَاقَةْ مَعَ الْمَسِيحْ، هُو بِقِي خَلِيقَةْ جَدِيدَةْ. حَيَاتَهْ الْقَدِيمَةْ فَاتَتْ وَ حَيَاتَهْ الْجَدِيدَةْ بَدَتْ خَلَاصْ.

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

لَاكِنْ نِعِيشُوا حَسَبْ الشَّيّءْ الْأَنِحْنَ مُؤمِنِينْ بَيَّهْ وَ مَا حَسَبْ النِّشِيفُوهْ بِعَيْنَّا.

وَ دَا كُلَّ كَيْ، جَايِ مِنْ اللّٰهْ. هُو بَسْ سَوَّى الصُّلُحْ مَعَانَا بِالْمَسِيحْ. وَ الْخِدْمَةْ الْاللّٰهْ كَلَّفَانَا بَيْهَا، هِي بَلِّغِينْ خَبَرْ الصُّلُحْ. وَ مَعَنَاتَهْ اللّٰهْ سَوَّى الصُّلُحْ بِوَاسِطَةْ الْمَسِيحْ. وَ هُو شَالْ نِيَّةْ أَشَانْ مَا يِحَاسِبْ نَاسْ الدُّنْيَا حَسَبْ خَطَايَاهُمْ. وَ كَلَّفَانَا بِبَلِّغِينْ بِشَارَةْ الصُّلُحْ.

وَ بِمِثِلْ دَا، أَنَا وَ أَخْوَانِي بِقِينَا سُفَرَاء لِلْمَسِيحْ وَ اللّٰهْ قَاعِدْ يِنَادِيكُو بِلِسَانَّا. وَ خَلَاصْ، نَطُلْبُوا مِنْكُو بِأُسُمْ الْمَسِيحْ، أَصَّالَحَوْا مَعَ اللّٰهْ.

وَ هُو مَاتْ لِكُلَّ النَّاسْ أَشَانْ النَّاسْ الْحَيِّينْ مَا يِعِيشُوا بَتَّانْ لِنُفُوسْهُمْ لَاكِنْ يِعِيشُوا لِلْمَسِيحْ الْمَاتْ وَ بَعَثْ فِي شَانْهُمْ. أَشَانْ دَا، مِنْ الْيَوْم لِقِدَّامْ مَا نِفَكُّرُوا فِي أَيِّ نَادُمْ مِثِلْ النَّاسْ يِفَكُّرُوا فَوْقَهْ. أَوَّلْ أَنِحْنَ فَكَّرْنَا فِي الْمَسِيحْ مِثِلْ النَّاسْ. لَاكِنْ أَبَداً مَا نِفَكُّرُوا فَوْقَهْ بَتَّانْ مِثِلْ دَا.

وَ مَحَبَّةْ الْمَسِيحْ لَيْنَا تَجْبُرْنَا أَشَانْ أَنِحْنَ مُؤَكِّدِينْ كَدَرْ هُو الْوَاحِدْ الْمَاتْ فِي شَانْ كُلَّ النَّاسْ وَ بَيَّهْ هُو بَسْ، كُلُّهُمْ مَاتَوْا.