Popular Bible Verses from 2 كُرُنْتُس 1

Share

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ. هُو أَبُونَا الرَّحِيمْ وَ كُلَّ الشَّجَاعَةْ جَايَةْ مِنَّهْ هُو. وَ اللّٰهْ يِشَجِّعْنَا فِي كُلِّ ضِيقَةْ أَشَانْ أَنِحْنَ كُلَ بِالشَّجَاعَةْ دِي نِشَجُّعُوا الْآخَرِينْ الْقَاعِدِينْ فِي أَيِّ ضِيقَةْ.

وَ صَحِيحْ، أَنِحْنَ قَاعِدِينْ نِشَارُكُوا كَتِيرْ فِي تَعَبْ الْمَسِيحْ وَ لَاكِنْ بِعَلَاقِتْنَا مَعَايَهْ، كُلَ نَلْقَوْا شَجَاعَةْ زِيَادَةْ.

وَ فِي الْبَكَانْ دَا، بِقِينَا مِثِلْ نَاسْ الْحَكَمَوْا لَيْهُمْ بِالْمَوْت. وَ دَا بِقِي أَشَانْ مَا نِنْتَكْلُوا عَلَيْ نُفُوسْنَا لَاكِنْ نِنْتَكْلُوا عَلَيْ اللّٰهْ الْيَبْعَثْ الْمَيْتِينْ.

وَ اللّٰهْ بَسْ ثَبَّتَانَا مَعَاكُو فِي عَلَاقَةْ مَعَ الْمَسِيحْ. وَ هُو بَسْ الدَّرَّجَانَا لِخِدِمْتَهْ. وَ هُو خَطَّ فَوْقنَا خِتْمَهْ وَ نَزَّلْ فِي قُلُوبْنَا الرُّوحْ الْقُدُّوسْ أَشَانْ يَبْقَى الضَّمَانْ الْيِوَصِّفْنَا كَدَرْ اللّٰهْ يِسَوِّي كُلِّ شَيّءْ الْوَاعَدْ بَيَّهْ.

كَنْ أَنِحْنَ قَاعِدِينْ فِي الضِّيقَةْ، دَا بِقِي أَشَانْ إِنْتُو تَلْقَوْا الشَّجَاعَةْ وَ النَّجَاةْ. وَ كَنْ اللّٰهْ أَنْطَانَا الشَّجَاعَةْ، دَا بِقِي أَشَانْ إِنْتُو كُلَ تَلْقَوْا الشَّجَاعَةْ وَ تَقْدَرَوْا تَحْمَلَوْا التَّعَبْ بِصَبُرْ مِثِلْنَا.