Popular Bible Verses from 1 تِمُوتَاوُس 4

Share

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

صَحِيحْ، الرِّيَاضَةْ عِنْدَهَا فَايْدَةْ لَاكِنْ التَّقْوَى فَايْدِتَهْ زِيَادَةْ مِنْ كُلِّ شَيّءْ وَ نَلْقَوْا مِنْهَا، فِي الدُّنْيَا وَ فِي الْآخِرَةْ، الْحَيَاةْ الْاللّٰهْ وَاعَدَانَا بَيْهَا.

خُطّ بَالَكْ فِي نَفْسَكْ وَ فِي تَعْلِيمَكْ لِلنَّاسْ. أنْكَرِبْ فَوْقَهْ وَ بِمِثِلْ دَا، تِنَجِّي نَفْسَكْ وَ تِنَجِّي النَّاسْ الْيَسْمَعَوْا كَلَامَكْ.

وَ بِكَلَامْ وَاضِحْ، الرُّوحْ الْقُدُّوسْ يُقُولْ كَدَرْ فِي الزَّمَنْ الْأَخِيرْ، نَاسْ وَاحِدِينْ يَمُرْقُوا مِنْ دَرِبْ الْإِيمَانْ. وَ يِتَابُعُوا دَرِبْ الشَّوَاطِينْ الْيِوَدُّرُوهُمْ وَ يَسْمَعَوْا تَعْلِيمْ مِنْ الشَّوَاطِينْ.

أَنْقَرِعْ مَرَّةْ وَاحِدْ مِنْ الْقِصَصْ الْبَاطْلِينْ وَ الْكَلَامْ الْمِثِلْ كَلَامْ الْعَجَايِزْ الْخَرْفَانَاتْ. دَرِّبْ نَفْسَكْ أَشَانْ تَبْقَى نَادُمْ تَقِي.

لَحَدِّي نَجِيكْ، أنْكَرِبْ فِي قِرَايِةْ كِتَابْ اللّٰهْ لِلنَّاسْ وَ مَا تِخَلِّي مِنَّكْ الْبَشِّرِينْ وَ الْعَلِّمِينْ.