Popular Bible Verses from 1 كُرُنْتُس 13

Share

النَّادُمْ الْعِنْدَهْ مَحَبَّةْ صَبُورْ وَ زَيْن. الْعِنْدَهْ مَحَبَّةْ مَا حَسُودْ. الْعِنْدَهْ مَحَبَّةْ مَا فَشَّارْ وَ مَا مُسْتَكْبِرْ. هُو مَا يِسَوِّي شَيّءْ هَنَا عَيْب. هُو مَا يِفَكِّرْ فِي نَفْسَهْ بَسْ. وَ مَا يَزْعَلْ عَجَلَةْ. هُو مَا يِفَكِّرْ فِي الْخَطَا الْأَخْوَانَهْ سَوَّوْه.

الْعِنْدَهْ مَحَبَّةْ، هُو يَحْمَلْ أَيِّ شَيّءْ. هُو يِآمِنْ فِي كُلِّ حَالْ وَ عَشَمَهْ ثَابِتْ فِي كُلِّ حَالْ وَ هُو يَصْبُرْ فِي أَيِّ شَيّءْ.

هُو أَبَداً مَا يَفْرَحْ بِالظُّلُمْ لَاكِنْ يَفْرَحْ دَايْماً بِالْحَقّ.

وَ خَلَاصْ التَّلَاتَةْ الْيَقْعُدُوا دَايْماً، هُمَّنْ الْإِيمَانْ وَ الْعَشَمْ وَ الْمَحَبَّةْ. وَ الْأَكْبَرْ مِنْهُمْ هُو الْمَحَبَّةْ.

الْمَحَبَّةْ أَبَداً مَا تِكَمِّلْ. التَّنَبُّؤ يِكَمِّلْ. وَ اللُّغَّاتْ الْيَجُوا مِنْ الرُّوحْ الْقُدُّوسْ يَبْقَوْا مَا فِيهُمْ. وَ الْعِلِمْ يِكَمِّلْ.

كَنْ نِكَلِّمْ بِلُغَّاتْ النَّاسْ وَ بِلُغَّاتْ الْمَلَائِكَةْ وَ مَا عِنْدِي الْمَحَبَّةْ، كَلَامِي مَا عِنْدَهْ فَايْدَةْ. بَيْدَا كَلَامِي بِقِي مِثِلْ دَقِّينْ النَّحَاسْ وَلَّا بَكِي الْجَرَسْ.

وَ كَنْ نِتْنَبَّأْ بِكَلَامْ جَايِ مِنْ اللّٰهْ وَ نَفْهَمْ كُلَّ الْأَسْرَارْ وَ كُلِّ شَيّءْ هَنَا عِلِمْ وَ كَنْ عِنْدِي إِيمَانْ قَوِي مَرَّةْ وَاحِدْ لَحَدِّي نِحَوِّلْ الْجِبَالْ مِنْ بَكَانَاتْهُمْ كُلَ وَ كَنْ مَا عِنْدِي الْمَحَبَّةْ، أَنَا مَا شَيّءْ.

وَ كَنْ نَنْطِي كُلِّ شَيّءْ الْعِنْدِي لِلْمَسَاكِينْ لَحَدِّي نِسَلِّمْ جِسْمِي أَشَانْ نِسْتَكْبَرْ وَ لَاكِنْ مَا عِنْدِي الْمَحَبَّةْ، مَا نَلْقَى شَيّءْ.

مَثَلاً، وَكِتْ أَنَا وِلَيْد صَغَيَّرْ أَنَا حَجَّيْت حِجَيْ هَنَا عِيَالْ دُقَاقْ وَ فِكْرِي كُلَ هَنَا عِيَالْ دُقَاقْ وَ عَقْلِي كُلَ هَنَا عِيَالْ دُقَاقْ. وَ لَاكِنْ وَكِتْ أَنَا كِبِرْت خَلَاصْ وَ بِقِيتْ رَاجِلْ، خَلَّيْت مِنِّي الْعِيَالِيَّةْ.