Popular Bible Verses from 1 كُرُنْتُس 11

Share

وَ بَعَدْ الْعَشَاءْ، هُو سَوَّى نَفْس الشَّيّءْ بِالْكَاسْ. هُو شَالَهْ وَ قَالْ: «الْكَاسْ دَا يِوَصِّفْ الْمُعَاهَدَةْ الْجَدِيدَةْ النِّسَوِّيهَا مَعَاكُو بِدَمِّي. أَيِّ وَكِتْ التَّشَرْبَوْا مِنَّهْ، سَوُّوا مِثِلْ دَا لِتِذَكُّرُونِي بَيَّهْ.» وَ بَيْدَا، فِي أَيِّ وَكِتْ كَنْ تَاكُلُوا الْخُبْزَةْ دِي وَ تَشَرْبَوْا مِنْ الْكَاسْ دَا، تِبَلُّغُوا مَوْت رَبِّنَا عِيسَى لَحَدِّي هُو يَجِي بَتَّانْ.

أَسْمَعَوْا، دَا بَسْ الْكَلَامْ اللِّقِيتَهْ مِنْ رَبِّنَا وَ عَلَّمْتُكُو لَيَّهْ. فِي اللَّيْلَةْ الْيُخُونُوا فَوْقهَا رَبِّنَا عِيسَى، هُو شَالْ خُبْزَةْ وَاحِدَةْ وَ شَكَرْ اللّٰهْ وَ كَسَرْهَا وَ قَالْ: «دَا جِسْمِي النَّنْطِيهْ فِي شَانْكُو. سَوُّوا مِثِلْ دَا لِتِذَّكَّرَوْنِي بَيَّهْ.»

خَلِّي أَيِّ نَادُمْ يِجَرِّبْ نَفْسَهْ قُبَّالْ مَا يَاكُلْ الْخُبْزَةْ وَ يَشْرَبْ مِنْ الْكَاسْ. أَشَانْ أَيِّ نَادُمْ الْيَاكُلْ وَ يَشْرَبْ عَشَاءْ الْمَسِيحْ بَلَا فِكِرْ فِي جِسِمْ الْمَسِيحْ، هُو يِجِيبْ الْعَذَابْ فِي نَفْسَهْ.

وَ أَشَانْ دَا بَتَّانْ، أَيِّ نَادُمْ الْيَاكُلْ خُبْزَةْ رَبِّنَا وَ يَشْرَبْ مِنْ كَاسَهْ وَ نِيّتَهْ مَا مُخْلِصَةْ، هُو يُضُرّ جِسِمْ رَبِّنَا وَ دَمَّهْ.

تَابُعُوا دَرْبِي أَشَانْ أَنَا قَاعِدْ نِتَابِعْ دَرِبْ الْمَسِيحْ.