Popular Bible Verses from Adad 21

Share

Wa Allah gaal le Muusa : «Asnaʼ daabi amchideegaat wa arfaʼah foog fi uud. Wa ayyi naadum al-addaah daabi kan chaafah, battaan ma yumuut.»

Wa khalaas, Muusa sanaʼ daabi hana nahaas wa rafaʼah foog fi uud. Wa wakit daabi yiʼaddi naadum, kan al-naadum da chaaf al-daabi hana l-nahaas da battaan ma yumuut.

Wa gammo didd al-Rabb wa didd Muusa wa gaalo : «Maala maragtuuna min balad Masir wa jibtuuna le numuutu fi l-sahara di ? Achaan hini ma fi khubza wa la almi wa akilna da, akil ma yanfaʼ. Taar leena khalaas.»

Wa khalaas Allah rassal leehum dabiib amchideegaat wa addo katiir min Bani Israaʼiil wa katalaahum.

Wa Bani Israaʼiil jo le Muusa wa gaalo leyah : «Aniina aznabna wakit gammeena didd Allah wa diddak inta. Hassaʼ da, achhad leena Allah achaan yibaʼʼid minnina al-dabiib da.» Wa Muusa chahad leehum Allah.