Popular Bible Verses from Markhus 13

Share

Wa fi chaan usmi, kulla l-naas yakrahooku. Wa laakin al-naadum al-gaaʼid saabit lahaddi l-kumaale, yanja.

«Awʼu baalku. Agoodu waaʼiyiin achaan intu ma taʼarfu mata waktah yitimm.

Wa wakit yakurbuuku wa yiwadduuku le l-chariiʼa, ma tihimmu le l-kalaam al-tuguuluuh. Fi l-bakaan da, guulu al-kalaam al-yaji leeku achaan al-kalaam al-tuguuluuh yaji min al-Ruuh al-Khudduus wa ma min nufuusku.

Al-sama wa l-ard yabgo ma fiihum wa laakin kalaami yagood daayman.

«Wa l-cheyy al-yabga baʼadeen da, naadum waahid ma yaʼarif yoomah wa la saaʼtah. Al-malaaʼika fi l-samaawaat kula ma yaʼarfuuh wa Ibn Allah ma yaʼarfah, illa abuuh wiheedah bas yaʼarfah.

«Wa wakit intu tasmaʼo khabar hana huruub gariib wa huruub baʼiid, ma tibarjulu. Achaan da waajib yukuun. Wa laakin da lissaaʼ ma kumaalit al-dunya.

Wa achaan da, intu kula, agoodu waaʼiyiin achaan ma taʼarfu al-wakit al-siid al-beet yaji foogah. Akuun yaji makhrib walla fi ust al-leel walla waradde walla fajur. Akuun yaji fajʼatan wa yalgaaku naaymiin. Wa l-kalaam al-nuguulah leeku da, nuguulah le kulla l-naas. Nuguul agoodu waaʼiyiin.»

Naas hana balad waahide yahjumu naas hana balad aakhara wa mamlaka tahjim mamlaka. Wa fi diyaar katiiriin yukuun zilzaal. Juuʼ katiir yanzil fi l-ard. Wa laakin al-taʼab da, di al-bidaaya bas. Hu misil al-talaga al-awwalaaniiye hana l-mara al-tidoor talda.

Wa awwal cheyy, laabudda al-bichaara yiballukhuuha le kulla l-umam.

Naas katiiriin yaju be usmi wa yuguulu : ‹Ana bas al-Masiih.› Wa yukhuchchu naas katiiriin.

«Wa intu, awʼu baalku. Akiid yakurbuuku wa yiwadduuku le l-chariiʼa wa yafurchuuku fi buyuut al-sala. Wa fi chaani ana, tahdaro giddaam al-hukkaam wa l-muluuk. Wa fi l-bakaan da, tachhado leyi.

Achaan naas katiiriin yaju wa yuguulu humman al-Masiih walla yuguulu be kidib humman anbiya. Wa yisawwu alaamaat wa ajaayib le yukhuchchu, kan mumkin, hatta al-naas al-Allah azalaahum.

Wa fi l-wakit al-yaji baʼad al-taʼab al-chadiid da, al-harraay tabga dalma wa l-gamar ma yidawwi wa l-nujuum yagaʼo min al-sama wa khuwwaat al-samaawaat yinhazzo.