Popular Bible Verses from Matta 23

Share

Wa khalli al-kabiir minku yakhdim leeku misil khaddaamku.

Achaan ayyi naadum al-yisawwi nafsah kabiir, Allah yisawwiih sakhayyar wa l-naadum al-yisawwi nafsah sakhayyar, Allah yisawwiih kabiir.

«Ya l-ulama wa l-Fariiziyiin, intu munaafikhiin ! Al-azaab yarjaaku achaan intu munkaribiin fi l-uchur lahaddi tantu le Allah min al-naʼnaaʼ wa l-chamaar wa l-kammuun. Wa laakin intu nisiitu ma tabbagtu al-churuut al-kubaar fi l-Tawraat misil al-adaala wa l-rahma wa l-amaan. Awwal cheyy waajib tisawwu al-achya al-kubaar dool wa battaan ma tanso kalaam al-uchuur.

«Ya l-ulama wa l-Fariiziyiin, intu munaafikhiin ! Al-azaab yarjaaku achaan wakit tilwaddo, da yabga misil tikhassulu al-kaas wa l-kooro min barra laakin fi daakhal humman malaaniin tak min khumaam al-sirge wa min al-tamaʼ.

«Ya Madiinat al-Khudus ! Ya Madiinat al-Khudus ! Ya kattaaliin al-anbiya ! Intu al-tarjumu al-naas al-Allah yirassilhum leeku. Kam marra dawwart nilimm iyaalku misil jidaade tilimm iyaalha tihit janaaheeha. Laakin intu abeetu.

Be misil da, kulla l-naas yichiifuuku wa yahsubuuku saalihiin wa laakin fi guluubku intu malaaniin be l-nifaakh wa be l-fasaala.