Popular Bible Verses from Matta 10

Share

«Asmaʼo ! Nirassilku fi ust al-naas wa tabgo misil khanam fi ust al-maraafʼiin. Achaan da, waajib tabgo hadiiriin misil al-daabi wa bariyiin misil al-hamaama.

Ayyi naadum al-yidoor yinajji nafsah, yiwaddirha. Laakin al-naadum al-yiwaddir nafsah fi chaani ana, hu da yanja.

«Ma takhaafo min al-naas. Yagdaro yaktulu jisim al-naadum wa laakin ma yagdaro yaktulu ruuhah. Akhaafo min Allah achaan hu yagdar yahlik al-jisim wa l-ruuh sawa fi Jahannam.

Wa ayyi naadum al-aba ma yichiil taʼab al-saliib wa ma yitaabiʼni le l-moot, ma waajib leyah yabga tilmiizi.

«Wa ayyi naadum al-yachhad leyi giddaam al-naas, ana kula nachhad leyah giddaam abuuyi Allah. Wa ayyi naadum al-yankurni giddaam al-naas, ana kula nankurah giddaam abuuyi Allah.

Al-mardaaniin daawuuhum wa l-maytiin gawwumuuhum wa l-induhum jidaam antuuhum al-aafe wa l-chawaatiin aturduuhum min al-naas. Intu ligiitu bala tukfa wa khalaas, antu le l-naas bala tukfa.

Khalaas, ma takhaafo. Ayyi naadum minku muhimm ziyaada le Allah min tuyuur katiiriin.

«Ma tahsubu ana jiit achaan nijiib al-salaam fi l-ard. Ma jibt al-salaam laakin jibt al-seef.