Popular Bible Verses from Yachuuʼ 1

Share

Wa azzakkar kadar ana amartak abga chadiid wa fahal. Ma tarjif wa la takhaaf achaan ana Allah Ilaahak nukuun maʼaak fi ayyi bakaan al-inta tamchi foogah.»

Wa kitaab al-Tawraat hana Muusa da, ma tibaʼʼidah minnak. Agriih fajur wa achiiye achaan tisawwi ayyi cheyy hasab al-kalaam al-maktuub foogah. Wa be da, kulla cheyy al-tisawwiih yabga adiil wa tanjah.

Aywa, abga chadiid wa fahal be ziyaada. Wa sawwi ayyi cheyy hasab al-Tawraat al-amarak beyah abdi Muusa. Ma tibaari minnah wa la isra wa la zeene. Wa be da, tanjah fi ayyi bakaan al-tamchi foogah.

Fi kulla muddit hayaatak, ma fi naadum al-yagdar yagiif giddaamak. Wa ana nukuun maʼaak misil kunt maʼa Muusa wa la naabaak wa la nikhalliik.

Abga chadiid wa fahal ! Achaan inta bas al-tiwaddi al-chaʼab da fi l-balad al-ana halaft le juduudhum wa gult nantiiha leehum.

Wa ayyi bakaan al-rijlak tafjakhah, ana nantiih leeku misil ana waaʼadt beyah Muusa.

«Abdi Muusa maat. Hassaʼ gumm, inta wa kulla l-chaʼab. Agtaʼo bahar al-Urdun wa amchu le l-balad al-ana nantiiha leeku intu Bani Israaʼiil.

Wa baʼad moot Muusa abd Allah, Allah gaal le Yachuuʼ wileed Nuun musaaʼid Muusa

Wa min al-wati le l-munchaakh, arduku tamchi min al-sahara le jibaal Lubnaan. Wa min al-sabaah le l-kharib, tamchi min bahar al-Furaat, al-bahar al-kabiir, lahaddi l-bahar al-Abyad wa kulla balad al-Hittiyiin.

Wa ayyi naadum al-isi amrak wa ma yasmaʼ kalaamak al-tuguulah fi ayyi cheyy, naktuluuh. Aywa, abga chadiid wa fahal !»

«Adkhulu al-fariig wa aamuruuhum le l-chaʼab wa guulu leehum : ‹Kulluku jahhuzu zaadku. Achaan fi talaata yoom tagtaʼo bahar al-Urdun wa tadkhulu fi l-balad al-yantiiha leeku Allah Ilaahku wa tichiiluuha.›»