Popular Bible Verses from Khuruuj 20

Share

«Ana Allah Ilaahak bas maragtak min Masir balad al-ubuudiiye. «Ma taʼabud ilaahaat aakhariin illa ana.

«Ma tasnaʼ sanam fi ayyi hajim min al-achya al-gaaʼidiin foog fi l-sama aw tihit fi l-ard aw fi lubb al-almi al-fi l-ard. Wa ma tasjud giddaam al-asnaam dool wa la taʼabudhum achaan ana bas Allah Ilaahak. Ana Allah khayyuur yaʼni ma nidoor taʼabud ilaah aakhar. Wa ana niʼaakhib al-iyaal wa iyaal al-iyaal be zunuub abbahaathum lahaddi l-zurriiye al-taalta wa l-raabʼe kan humman yakrahooni.

«Karrim ammak wa abuuk achaan umrak yabga tawiil fi l-ard al-nantiiha leek ana Allah Ilaahak.

«Azzakkar yoom al-sabt wa ajʼalah yoom mukhaddas.

«Ma tahlif be usmi ana Allah Ilaahak be kidib achaan al-yahlif be usmi be kidib, ana Allah ma najʼalah bari.

Inta takhdim le muddit sitte yoom wa tikammil kulla khidimtak. Wa laakin al-yoom al-saabiʼ hu sabt leyi ana Allah Ilaahak. Fi l-yoom da, ma takhdim ayyi cheyy wa la inta wa la awlaadak wa la banaatak wa la abiidak wa la khadiimak wa la bahaaymak wa la l-ajaanib al-gaaʼidiin maʼaak fi hillitak.

«Ma titmanna beet jaarak wa la martah wa la abdah wa la khaadmah wa la toorah wa la humaarah wa la ayyi cheyy hanaayah.»

«Ma tachhad be kidib fi ayyi waahid min jiiraanak.

«Ma tazna.

«Ma taktul dimme.

«Ma tasrig.