Popular Bible Verses from Tasniya 10

Share

Wa Muusa gaal battaan : Hassaʼ, ya Bani Israaʼiil, Allah Ilaahku yidoor minku chunu ? Hu yidoor bas intu takhaafo minnah hu Allah Ilaahku wa tamchu fi kulla duruubah wa tihibbuuh wa taʼabuduuh be kulla guluubku wa kulla fikirku. Wa tabbugu wasaaya Allah wa l-gawaaniin al-nantiihum leeku al-yoom. Wa da, le kheerku.

Achaan Allah Ilaahku, hu Ilaah al-ilaahaat wa Rabb al-arbaab. Wa hu al-Ilaah al-Aziim wa l-Gaadir wa l-Mukhiif. Wa hu aadil wa ma yarda be l-rachwa.

Tahhuru guluubku wa ma tigawwu ruuseeku wa taʼaso Allah battaan.

Wa hu yahmi huguug al-atiim wa l-armala wa yihibb al-ajnabi wa yantiih akil wa lubaas.

Wa leyah hu bas achkuruuh, hu Ilaahku al-sawwa fi usutku al-ajaayib al-kubaar al-bikhawwufu wa intu chiftuuhum be uyuunku.

Wa akhaafo min Allah Ilaahku wa aʼabuduuh wa atmassako beyah wa ahalfu be usmah hu bas.

Aywa, Allah Ilaahku siid al-samaawaat wa l-ard wa kulla cheyy al-fiihum.

Wa intu kula hibbu al-ajnabi achaan intu kula bigiitu ajaanib fi balad Masir.