Popular Bible Verses from 2 Butrus 3

Share

Wa Allah ma yiʼakhkhir waʼadah. Al-naas al-yuguulu hu akhkhar, ma fihmo adiil. Akheer nuguulu Allah sabuur leeku. Hu ma yidoor ayyi naadum yahlak laakin yidoor kulla l-naas yutuubu.

Ya akhwaani al-nihibbuku, fi cheyy waahid maʼruuf al-ma waajib tansooh wa da hu. Le Allah yoom waahid misil alif sana wa alif sana misil yoom waahid.

Laakin abgo gawiyiin fi niʼmat Rabbina Isa al-Masiih munajjiina wa be irfitku leyah. Wa l-Masiih, khalli yimajjuduuh fi l-wakit al-haadir wa ila l-abad. Aamiin.

Wa laabudda yoom Allah yaji be khafla misil jayyit al-sarraag. Wa ajala ke haraka chadiide tinsamiʼ wa l-samaawaat yabgo ma fiihum wa l-nujuum yinhargu. Wa l-ard wa kulla cheyy al-yisawwuuh foogha yinkachif.

Wa kan kulla cheyy yiddammar misil da, intu waajib tisawwu chunu ? Waajib tiʼiichu be takhwa wa haal saalhe. Arjo yoom Allah wa atmanno jaytah. Wa fi l-yoom da, al-samaawaat yinhargu wa yiddammaro wa l-nujuum yumuuʼu fi l-hamu.