Popular Bible Verses from 2 Kuruntus 3

Share

Wa fi l-kalaam da, al-Rabb hu al-Ruuh al-Khudduus. Wa ayyi bakaan al-Ruuh al-Khudduus hana l-Rabb gaaʼid foogah, al-hurriiye kula gaaʼide foogah.

Wa aniina ma indina mindiil al-yikhatti wujuuhna. Wa kullina gaaʼidiin nichiifu nuur Allah al-majiid. Wa l-nuur da yibiin foogna waadih. Wa l-nuur al-majiid da yaji min Ruuh Allah al-gaaʼid yikhayyirna ziyaada lahaddi suuritna tabga misil suurat Allah al-majiide.

Laakin kan naadum yichiil derib al-Rabb, al-mindiil yinrafiʼ wa hu yafham adiil.

Aniina be nufuusna ma indina al-gudra al-waajbe le nisawwu al-khidme di. Nagdaro nisawwu al-khidme di illa kan Allah antaana al-gudra al-waajbe. Aywa, hu antaana al-gudra le nabgo khaddaamiin wa nakhdumu le Allah fi l-muʼaahada al-jadiide. Wa l-muʼaahada al-jadiide di ma hana churuut maktuubiin wa laakin hana Ruuh Allah. Achaan muʼaahadat al-churuut al-maktuubiin tijiib al-moot wa laakin Ruuh Allah yijiib al-haya.