Wa Chaawuul gaal le khaddaamiinah : «Fattuchu leyi mara al-tagdar tikallim maʼa l-maytiin wa ana namchi le tichiif leyi.» Wa khaddaamiinah gaalo leyah : «Daahu mara waahide al-gaaʼide fi hillit Een Duur tikallim maʼa l-maytiin.»
Wa Chaawuul baddal khulgaanah hana l-muluk wa libis khulgaan aakhariin wa macha bakaan al-mara maʼa itneen min khaddaamiinah. Wa humman wassalo be l-leel wa Chaawuul gaal leeha : «Chiifi leyi wa naadi al-mayyit al-niʼooriiki beyah.»