Popular Bible Verses from 1 Samuwiil 17

Share

Wa Dawuud gaal le l-Filisti : «Inta jiit leyi be seef wa harba wa tabiig. Wa laakin ana jiit leek be usum Allah al-Gaadir Ilaah askar Bani Israaʼiil al-inta gaaʼid tichammit fooghum.

Wa kulla l-naas al-gaaʼidiin hini yaʼarfu kadar Allah ma yansur be seef wa la be harba achaan Allah hu bas siid al-harib wa l-yoom yisallimku fi iideenna.»

Wa Dawuud gaal : «Allah al-najjaani min al-duud wa l-dubb, hu yagdar yinajjiini min al-Filisti da.» Wa Chaawuul gaal le Dawuud : «Amchi ! Allah maʼaak.»

Al-yoom Allah yarmiik fi iidi wa ana naktulak wa nagtaʼ raasak. Wa nanti jisas al-Filistiyiin le tuyuur al-sama wa haywaanaat al-ard. Wa be da, kulla l-dunya taʼarif kadar Bani Israaʼiil induhum Ilaah al-yihaarib leehum.

Wa chaal asaatah fi iidah wa azzal khamsa hajar amlas min al-waadi wa dassaahum fi mukhlaatah hint al-raaʼi. Wa chaal miglaaʼah fi iidah wa macha le l-Filisti.

Wa Dawuud gaal le Chaawuul : «Khalli naadum waahid kula galbah ma yakhaaf min al-Filisti da ! Ana abdak namchi leyah wa nihaaribah.»