Popular Bible Verses from Lomaŋ 14

Share

Kpɛ́ni fêi, Ɣâla ŋɔkâloŋ-laai su-kulai fa nɔ́ a mìi-sɛŋ da kpele-sɛŋ, kɛ́lɛ, zu-kulai ƃa tɔ̃yâ laa-la, lii-sêe, da lii-nɛ̃ɛ M̀ɔlêŋ Maa Waai su; ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

À kɛ̀ kwà kúɣeniɛi kɛ̀, kwa gɛ̀ Kúnuu-namui yêei; à kɛ̀ kwà sàa, kwa sàa Kúnuu-namui yêei; mɛni ma à nɛ̀ɛ ma kpîŋ ku kɛ́ fulu-laa su kpaa máŋ ku sáa, kúkaa a Kúnuu-namui pɔɔ.

Mɛni ma kwaa ku mɛni-ŋai kɛ̂ nyíi-ŋai da pâ a lii-sêe da kpɔŋ-maa kúkîe-ni su kpanaŋ mɛni mai.

Gɛ̀ ní, kúfe ŋɔ́nɔ kúkîe-ni dímɛni ŋá tèe. Kɛ́lɛ, maa nɛ̃ɛ̂i kú gbɛtɛ kúkili ŋá a gɛ́ɛ kúfe wɔ́lɔ kúƃarâŋ-nuu perêi kpàaŋ a su-kɔɔŋ, kpaa máŋ kú gbera.

kpɛ́ni fêi, bɔ̃yɛɛ̂i, “Kúnuu-namui a mò ǹyɛɛ, yɛ̂ɛ berei ŋ́gaa la ɣele ma a tɔ̃yâi, núu kélee a pâi pɛlɛ̂i ŋ́gɔɔ mu, nɛ́ŋ kélee é Ɣâla láa maa tɛ́.” Mɛni ma kúkelee kwa pâi kúmaa-mɛni ƃôi Ɣâla ma kúa kpîŋ.

À kɛ̀ a ǹúui nyíi víi kpɛɛ̂i ŋɔlaa-lai sui, ka káyee see mu, kɛ́lɛ, ka dîa-ni káfe sîa tòo mɛnii ma kálaâi-lai.

Gbɛ̂ɛ ƃa yá a gɛ́ɛ í núu da kpɛni yée-mu-nuu ŋɔmɛni ŋá tée? Mɛi-nuui ŋɛi tuɛ ƃe a tɔ̂ɔ naa, kpaa máŋ é tóo. A pâi tɔɔ̂i, kpɛ́ni fêi, pɔ̂ri káa Mɛi-nuui mi é gɛ́ é tɔ́ɔ.