Popular Bible Verses from Maafîu 10

Share

“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ.

Ǹúui a ŋɔfúlu-laai kɔ̀rii, a pâi ǹánîi. Ǹúui a ŋɔfúlu-laai laŋ ḿaa-mɛni mai, a pâi gáâi.

Káfe yâo diai dîa da núu kpono pâa kɛ́lɛ, dífa pɔ̂ri ŋɔmɔ̂leŋ paâi. Kɛ́lɛ, fɛ̂ɛ ka yao ǹúui ḿâ nyii a pɔ̂ri núu kponoi da ŋɔmɔ̂leŋ su karâi Dɛ̂ƃele-taai.

Ǹúui va ŋɔsaa-wurii siɣe é lɛ́ɛ ḿbôlui, m̀aa fé nɛ̃ɛ ní maa-nuui é kɛ́ a ŋápôlu-nuui da.

“Mɛni ma, ǹúui kélee a ḿaa mɛni ƃò nûa ŋɛi, ńyãa máŋ ŋa pâi m̀aa-mɛni ƃôi Ŋáɣâla-taa-Naŋ ŋɛ́i. Kɛ́lɛ, ǹúui kélee a ḿaa sîa tòo ǹûa ŋɛi, ńyãa máŋ ŋa pâi m̀aa sîa toôi Ŋáɣâla-taa-Naŋ ŋɛ́i.

Ka kɔlɔ-fela-ƃela ƃálo, ká saa-ƃela mu siɣe saa yêei, ka gbôdo-ƃela ƃálo, ká nyînaŋ nyɔ́mɔɔ-ŋa kpɛ́. Berei ká zɔlɔ ƃô la kpɛni-kpɛni, ka dɛɛ nɔ́ tí kpɛni-kpɛni.

Mɛni ma káfe yao. Kámaa-mɛni kpanaŋɔɔ̂i é tɛ́ɛ lîyeŋ támaa ma.

“Káfe kákili ŋá sia a gɛɛ ŋá pà a gɛɛ ŋá lii see tɛɛ ǹɔii pɔ. Fé pá ní a gɛɛ ŋá lii-sêe tɛɛ ǹɔii pɔ, fɛ̂ɛ ƃóa-sɔkpɔ.