Popular Bible Verses from Zasua 10

Share

Nya ƃe vóloi da ŋ̀áloŋ dí lɛ̀ɛ tɔɔni dítɔɔ̂i é lɛ́ɛ la zu Eezuɛ-ŋai dí díkpɔara-ƃelai yée mɛi ɣále. M̀ɛni pɔlɔi ŋí pɔ̃yɛ̂ɛi Zasua Ŋɔkɔlɔi su. Vóloi da ŋ̀áloŋ dí lɛ̀ɛ tɔɔni dítɔɔ̂i tɔnɔ ma a ɣele kûu tɔnɔ é lɛ́ɛ la zu Eezuɛ-ŋai dí díkpɔara-ƃelai yée mɛi ɣále.

Ŋ̀elei Yâwɛɛ è Amɔra-ŋai tɛ̀ɛ la Eezuɛ-ŋai pɔ́i, Zasua è lòno Yâwɛɛ Eezuɛ-ŋai ŋɛ́i ǹyɛɛi, “Yâwɛɛ, gɛ́ vóloi é lɛ́ɛ tɔɔni Giƃiyɔŋ mɛi, ŋ̀áloŋ é lɛ́ɛ tɔɔni Aizalɔŋ Potoi mɛi.”

M̀ɛnii ŋí da fé tá kɛ́ ní a bɔlɔ. Ǹyaa ƃa núu-kpune kɛ̂ɛ é gɛ́ Yâwɛɛ kɛ́ é mɛni da kɛ́ yɛ̂ɛ berei è kɛ̀ la Zasua ŋɔtãi mai. È kɛ̀ tí, kpɛ́ni fêi, Yâwɛɛ è kɛ̀ kɔ̂i Eezuɛ-ŋai mɛni ma.

Zasua-ni dí lɛ́ɛ pâi liî, Yâwɛɛ è m̀o ma ǹyɛɛ, “Ífe yao Amɔra-ŋai dîa, kpɛ́ni fêi, ŋa díkelee dítɛɛ ípɔ. Dítɔnɔ kpîŋ fé pâi pɔrîi tɔɔ̂i íŋɛ́i.”

Zasua è mò dîa ǹyɛɛi, “Káfe yào kpaa máŋ kálii é tóo pôlu. Ka tɔɔ a gbanaŋɔɔ ká kálii kpéle, kpɛ́ni fêi, bere ƃé Yâwɛɛ a pâi gɛ̂i la a kákpɔara-ƃelai kélee.”