Popular Bible Verses from Zasua 1

Share

Fé m̀ó ní yâ? Tɔɔ a gbanaŋɔɔ, í ílii kpéle, ífe yao, ílii fé tòo pôlu, kpɛ́ni fêi, ńyãa Yâwɛɛ Íɣâlai, ŋa pâi kɛ̂i ípôlu ƃɛ́i kélee ƃa lî naai.”

Ka tíi kɛ́ a dɔ̂ŋ-ŋai Ŋ̀âla-kɔlɔi ŋí sui a kpíni da fólo. Kà gɛ̀ tí, gɛ̀ ní ɣéniɛ a pâi nɛ̃ɛ̂i kâa, ká ƃûu ƃó.

Tɔɔ a gbanaŋɔɔ, í ílii kpéle, í dɔ̂ŋ-ŋai kélee mɛi káa nyíi-ŋai ŋátii kɛ́-nuui Mose è dɛ̀ɛ ípɔi. Ka dɔ̂ŋ-ŋai ŋí mɛi kâa, gɛ̀ ní ɣéniɛ a pâi nɛ̃ɛ̂i yâ.

Núu da kélee yée fé pâi pɔrîi yâ ífulu-laai su. Ŋa pâi kɛ̂i íkɔlɛ yɛ̂ɛ berei nɔ́ ŋá kɛ̀ la Mose kɔlɛi. Ḿve pâi teêi ípôlu kpaa máŋ ŋá ḿbôlu tɔɔ yâ.

Tɔɔ a gbanaŋɔɔ, í ílii kpele, kpɛ́ni fêi, yá ƃé pâi gɛ̂i ǹúai ŋí dí see ǹɔii ma ŋá ŋ́gono tèe la dínâŋ-ni yêei.

Ǹɔii nyíi kélee ka sère m̀ai, ŋa pâi nàa tɛɛ̂i kápɔ yɛ̂ɛ berei ŋá ŋ́gono tèe la Mose yêei.

“Ŋátii kɛ́ nuui Mose a nâa saa. M̀ɛni ma, ímu síɣe ka Eezuɛ-ŋai ká lí Zɔdiŋ Ya-leei pôlu, ǹɔii ma nyíi ŋa pâi dɛɛ̂i kápɔi.

Yâwɛɛ ŋɔtíi kɛ́ nuui Mose saá pôlu ma, Yâwɛɛ é mò Nuŋ ǹóŋ Zasua ma, nyíi kɛ̀ a Mose ŋɔkpɔŋ mâa nuui, ǹyɛɛ m̀ai

É síɣe vɛ̃ɛ-kpâlaŋ su é lí Lɛƃanɔŋ lɔii su é seri ŋɔ́nɔ ǹya-lêe kɛ́tɛi ma nyíi da dòli a Yufeletii Ya-leei, ǹɔii kélee gáa Ita lɔii su é seri Mɛditɛrenia Yuoi ma vóloi lîi-perei, a pâi kɛ̂i a kálɔii-kpîniŋ.

Ǹúui nyíi kélee pâi tɔɔ̂i yâ, va íwoo mɛnii, kwa pâi maa nûui paâi. Kɛ́lɛ tɔɔ a gbanaŋɔɔ, ílii kpeléɛ.”

“Ka lí m̀ûui su ká mó ǹûai dîa a gɛ́ɛ dí díkpiri-ŋai kpɛtɛ, kpɛ́ni fêi, fólo saaƃa à tɛ̀ɛ, ka pâi Zɔdiŋ Ya-leei tîyenii ká sée ǹɔii ma Yâwɛɛ ká Ɣâlai a dɛɛ̂i ká pɔi.”