Popular Bible Verses from M̀ɛni-sâa Ƃó-ƃelai 6

Share

Nya ƃe Yâwɛɛ ŋɔkélai è kùla Gidiɔŋ ŋɛ́i ǹyɛɛ m̀ai, “Yâwɛɛ káa ípôlu. Íkaa a kɔ-kuluƃa wála-walaa líi kpeleɛɛ.”

Nya ƃe Yâwɛɛ ǹyaa kpîŋ è mò Gidiɔŋ mà ǹyɛɛ, “Ńyãa ƃé ítɛɛ̂i. Ŋa wála-wala pûi íkponôi a gɛ́ɛ í lí í Eezuɛ-ŋai kula yêei kɛ́ Mediɛŋ-ŋai yêei.”

Yâwɛɛ è ŋ̀óo su tòo ǹyɛɛ, “Ya pâi pɔrîi Eezuɛ-ŋai ŋuŋ ma ƃôi, kpɛ́ni fêi, ŋa pâi kɛ̂i ípôlu. Ya pâi Mediɛŋ-ŋai yée mɛi ɣâlei a fii kpɛɛ-pere yɛ̂ɛ surɔŋ tɔnɔ kpéŋ ƃé íkaa ǹókwai.”

Gidiɔŋ è ŋ̀óo su tòo ǹyɛɛ m̀ai, “Ńâŋ, m̀ɛnii ŋa pâi m̀ôi yái kpera yɛ̂ ífe zìɣe a wóo nyɔ́mɔɔ. À kɛ̀ Yâwɛɛ káa kúpôlu, gɛ̀ ní lé ƃé kɛ̀ m̀ɛni sâŋ-ŋai ŋí da kɛ̂i la a kúai? Kwa mɛni a gɛ́ɛ Yâwɛɛ è wɔ́lɔ kúnuu pɔ̂lɔ-ŋai ŋuŋ ma ƃò Ize lɔii su. Mí ƃé m̀ɛni-ŋai kúnûa-pɔlɔ-ŋai dí mò kûa da sâa naai? Dífe m̀ó ní kûa a gɛ́ɛ Yâwɛɛ è díŋuŋ ma ƃò é díkula Ize lɔii su? M̀ɛni-ŋai ŋí kɛ́ɛ su a kôya. Kɛ́lɛ sâa Yâwɛɛ a bôlu tɔɔ kûa a kútɛɛ Mediɛŋ-ŋai pɔ́ díkɛ kúmɔ̃lɛ.”

Gidiɔŋ è ŋ̀óo su tòo ǹyɛɛ, “Ǹuu-namui, ŋa pɔ̂ri Eezuɛ ŋuŋ ma ƃó pere kɛ̂i léŋ? Ŋ́gaa a Manasɛ suui su nuu. Ǹúu suui ŋí su-ƃela fíi kpɛɛ̂i a ŋ̀ánaa. Ńyãa ƃa ǹúu doo-mui ŋɔkáayɔɔ-ŋai sáma.”

Ɣele tɔ̂nɔ da Yâwɛɛ ŋɔkélai dɔnɔ è pà é sée ôo wurii mu Ofura taai kɔlɛ. Ôo wurii ŋí è kɛ̀ a Zoasi pɔ́ɔ. Zoasi è kɛ̀ a Aƃiyezɛ suui su-nuui da. Zoasi ǹóŋ Gidiɔŋ è ǹoo Mediaŋ-ŋai dîa é lí ƃɛ́i da kâa ŋŋwã̂ai kpɛtɛ naai, gɛ́ wîi tàŋ.

Gidiɔŋ è Ɣâla-teƃele tɔnɔ tɔ̀ɔ gwaai ŋí ma é ǹáa sée a, “Yâwɛɛ káa a Lii-see.” Gwaai ŋí ma káa a Abiezɛ nuu-suui pɔ́ɔ. È dɔɔ Ofura taa leei su. Gáa tɔ́ɔ ni naa sâa ƃa sâa.

Gidiɔŋ è Yâwɛɛ wóo su tòo ǹyɛɛ m̀ai, “Naa kpanaŋɔɔ̂i a gɛ́ɛ ŋá láa la a gɛ́ɛ ŋa lônoi yá Yâwɛɛ pɔ́ a tɔ̃yâ. À kɛ̀ gáa tí, mɛni da kɛ́ nyíi pâi ǹɛ̂i a gɛ́ɛ yá ƃa Yâwɛɛ.

Kɛ́lɛ Yâwɛɛ è mò mà ǹyɛɛ, “Ífe yào! Lii-see é kɛ́ íyêei. Ífe pâi saâi.”

Eezuɛ-ŋai dí ŋɔ́nɔ dípôlu tɔ̀ɔ Yâwɛɛ ma. Nya ƃe è kùla dípôlu Mediɛŋ-ŋai dí díyee mɛi ɣále. Dí m̀ɔ̃lɛ Mediɛŋ-ŋai yée mu a kólaŋ lɔ́ɔlu mɛi feerɛ.