Popular Bible Verses from Azaya 62

Share

Núu da fé pâi ŋɔ́nɔ ítôlii a “Ǹúui ńyii Ɣâla a bôlu tɔ̀ɔ m̀ai,” kpaa máŋ dí ílɔii tóli a “Fɛ̃ɛ-kpâlaŋ lɔii” Ílaa ninai ƃé pâi kɛ̂i a, “Ɣâla líi laai ǹyêei.” Da pâi kálɔii tôli a, “Lii-nɛɛ tùa-laa,” kpɛ́ni fêi Yâwɛɛ líi lâai káyêei, ǹyaŋ a pâi kɛ̂i yɛ̂ɛ kálɔii ŋɔsurɔ̂ŋ.

Óo Zerusâlɛŋ, ŋa ísiɣãŋ gwaa kélee maa tínaŋ a kpakolo-ŋa wála-wâla-ŋa. Díkaa ǹaa m̀ɛi káai a kpíni da fólo. Díkaa naa, díkɛ wɔ̀lɔ Yâwɛɛ ma, díkɛ ŋɔkono-têe-ŋai maa mɛ̂ni tòo gíli ŋa, dífa ǹɛɛ naa a gɛɛ é nia dîa. Dí kɛ́ nɔ́ doôi gíli ŋá é lɛ́ɛ la zu é Zerusâlɛŋ ŋuŋ ma ƃó, é ǹaa kɛ́ a taa-lêe ńyii ǹɔii-ŋûŋ-ŋai kélee su-ƃela da pâi kɛ̂i ńaa maa tɛ̂i.

Ya pâi kɛ̂i yɛ̂ɛ kâloŋ-ƃɔrɔ lɛ́lɛɛ Yâwɛɛ mɛni ma, íkɛ ƃò yɛ̂ɛ kpasa lɛ́lɛɛ Ɣâla mɛni ma.

Berei nyáŋkpa a nɛnî-kpela kùla là a kɛ̂ a ǹíi lá, gɛ́ m̀aa kɔ̃̂ɔi, berei ƃé ílônii-sinaa da pâi ímaa kɔ̃ɔ̂i la. Ɣâla líi a pâi kɛ̂i a nɛ̃ɛ ímɛni ma, yɛ̂ɛ nyáŋkpa da nɛnî-kpela da díkîe-ni kùla a nina.