Popular Bible Verses from Apoc 8

Share

Noq xuweq iloq i ruwuuq rehtalil lutz'b'al ree jumb'oht chi huuj i je' Rak'uun Tentzun, je' naa yejaal i jinajora xtz'irlojik i q'orik pan taxaaj noq xb'iraj.

Eh noq xuxulej chee rutuun i peet ángel. Ma' k'isa saqb'och ruch'ihil q'aaq' xilakim kik' xqajik chinaah i wach ak'al. Eh ruum i re', je' naa k'isiin ma' yejaal i wach ak'al ruch'ihil taqe chee' k'ahaam, eh chu'nchel kok' rax ch'ahn xichaajrik.

Eh chi riij i re', jinaj chik i ánjel inrupik koyejal taxaaj noq xwil. Eh xakow chik xuq'or cho chi je' wili: Xti q'e' wo' chik ti', xti q'e' wo' chik ti', xti q'e' wo' chik ti' i naakik'ulum i tinamit wach ak'al na' kixulej chee kituun ixib' chi ánjel, re' i komajaa' inkixulej chee kituun inki.

Eh noq xuxulej chee rutuun i rukab' ángel. Jinaj i je' mama' yuuq' inchaqchotik ruq'aq'al xkutarik cho nah palaw. Ruum i re', je' naa k'isiin ma' yejaal i palaw xsutinik chi kik'.

Eh noq xuxulej chee rutuun i roox ánjel. Jinaj i mama' ch'umiil qoplik ruq'aq'al xq'ehb'ik cho pan taxaaj, je' jinaj saqumb'al. Re' ch'umiil re' re' xq'ehb'ik cho chikinaah i je' naa k'isiin ma' yejaal kik'ihaal taqe nim ha' taqe i raasb'al ha' wilkeeb' wach ak'al. Re' ch'umiil re' re', k'aah i rub'ihnaal. Je' naa k'isiin ma' yejaal kik'ihaal taqe nim ha' wilkeeb' wach ak'al xuk'aahb'isaj. Eh ruum i ruk'ahiil taqe ha', ma' k'isiin chik taqe tinamit xikimik noq xkuk'ej.

Eh noq xuxulej chee rutuun i rukaaj ánjel. Je' naa k'isiin ma' junch'uy i q'iij, i poh xpohyik kiwach. Eh je' naa k'isiin ma' yejaal i kik'ihaal ch'umiil xpohyik kiwach, eh je' naa k'isiin ma' juntoq q'iij, k'isiin ma' juntoq aq'ab' xq'equmrik kiwach, eh ma' xisihq'inik ta chik noq xwil.