Popular Bible Verses from Apoc 6

Share

Eh noq xintz'ehtanik, jinaj chik i kawáyu xwilow wach, q'ank'isik i riij, re' iqlik chi riij, Camnaq i rub'ihnaal. Xam chi riij i kiYe'aab' Camnaq. Re' i ki'ib' re' re', xye'arik rajaawriik chinaah i rukaaj q'at paam i tinamit wach ak'al, reh chi naa kikansam ruuk' q'aq'inik, ruuk' wi'jaleel, ruuk' yab'ilaal, eh ruuk' taqe josq'laj chikop wilkeeb' wach ak'al.

Eh noq xintz'ehtanik, jinaj i saq riij kawáyu xwilow wach, re' iqlik chi riij jinaj i ru flecha i kanteesb'al wilik pan q'ab'. Jinaj wo' rukoróna xkojarik wach naah, eh ma' xta x-uuchjik ruum i ti' k'axik.

Noq xuweq iloq i roo' rehtalil lutz'b'al ree huuj i je' Rak'uun Tentzun, xwil wach ri'si artaal i kánjel kit'iosil i xikanteesjik ruum i ruq'orariik i ruk'uhb'aal i Dios.

Re' taqe re' kow xkiq'or chi je' wili: Hat QaJaaw, wilik awajaawriik wilik asantohiil, korik wach ak'ux, Jaaw, ¿jaruuj aj wo' naq'at i q'orik chikinaah i tinamit wach ak'al chi q'ajb'al wach i qakanteesjiik xkian chaloq? inki taqe. Eh re' keh xye'arik kisaq so' chi kiju'junaal. Eh xq'orarik keh chi kuy-eej pee chik jarub'-oq q'iij manlojoq pee wach kik'ihaal taq awuch hermano parukamaj i Jesucristo ko kik'ul peet i ti'laj kimik i keh je' rukab' i xak'ul taq chee hat, ko ra'j naa nuq'ajam wach re', ki uchjik.

Eh noq xintz'ehtanik, jinaj chik i kawáyu xelik chaloq, kaq riij, re' iqlik chi riij xye'arik jinaj ruch'ihch' k'ul q'as. Xye'arik rajaawriik chi rehtesjiik i rusuqkiil kik'ux i tinamit wach ak'al, reh chi k'ul naa kikansam kiib' chikiwach.

ruum xponik chik i nimlaj q'iij chi naa ruye'em chaloq chi qanaah i ti' k'axik chi tojb'al qamahk. Ma' awach ta jino'q neenkuywik ransil i rujosq'iil, inki taqe.

Noq xuweq iloq i ruwaaq rehtalil lutz'b'al ree huuj i je' Rak'uun Tentzun, jinaj chik kowlaj yihk xub'an noq xwil. Re' q'iij xq'equmrik wach, xa je' chik q'eqjutik laj itz'ihy. Re' poh xsutinik chi xa kaq chik, xa je' chik kik' xkahnik. Eh re' taqe ch'umiil pan taxaaj xitilojik cho wach ak'al, xa je' chik kitilojik chaloq i wach i higo noq ink'uyu'teesjik ruum i kowlaj teew.

Noq xuweq iloq i roox rehtalil i lutz'b'al ree huuj i je' Rak'uun Tentzun, xb'iraj i xuq'or chi je' wili i roox keh k'achaach: Kim ayu' inki weh. Eh noq xintz'ehtanik, jinaj wo' chik i kawáyu xwilow wach q'eq riij, re' iqlik chi riij rut'uhyeem rupexu. Eh xb'iraj i q'orik xb'aan cho pan kixilak i kijib' chi k'achaach, je' wili i xuq'or: Xa ki'ib' libra chi trigo i naa ruye'ariik chi riij i jinaj q'iij chi kamanik. Eh waqiib' libra chi sebada i naa ruye'ariik chi riij i jinaj q'iij chi kamanik. Xa re' la', maasach wach i aséite, i vino, inki.

Re' taxaaj xsahchik wach, xa je' chik imb'otarik wach huuj xb'aan. Eh chu'nchel nimaq taq yuuq', je' wo' taqe mohloom yuuq' sutim ha' riij, xi ehteesjik reje pan kiye'aab'. Eh re' taqe reey wach ak'al, taqe i nimaq wach kikamaj, taqe i kajaaw soldado, taqe i wilik kajaawriik, taqe i b'ehomaq, taqe i minooj pankowlaj kamanik, taqe i ma' awach ta intaaq'anik keh, xooj kikeb'aa' kiib' pantaq saqrehp, pantaq paat ab'aj, wataq yuuq'