Popular Bible Verses from Apoc 22

Share

Re' hin i peet, re' hin i rukuxiik wach, je' rukab' noq wilik i peet letra A, i tz'apaab' wach letra Z. Xa wilkiin wo' cho pampeet, eh xa wilkiin wo' pantz'apaab' wach, inki Jesucristo.

Chab'iraj: Re' hin ilook' wo' chik kinchalik ruka'peech inki Jesucristo. Naa nuk'amam chaloq i kitojb'aal i ju'jun re' q'oreel chib'ih xkian chib'ih i xkiq'or.

Kim inki Santolaj Uxlab'al, ruch'ihil i rehk'een noq wilik i je' Rak'uun Tentzun. Eh awach i rib'iraj, kim inko'q. Eh awach i chiqiij chii', wila' raaj, xa chi siih chaloq ruk'ej ree i ha' inye'wik juneliik k'acharik.

Atoob' keh inkitz'aj i kiso' ruum naa ruye'ariik keh i ruwachuj i chee' inye'wik k'acharik. Eh naa wo' kokiik i koq chi chii' taqe ru puertahiil i tinamit, ak' Jerusaleem.

Re' hin ilook' wo' chik kinchalik ruka'peech inki Jesucristo. Atoob' reh awach i runimaj i q'orooj chi naa ruk'ulariik, re' i tz'ihb'amaj chupaam i huuj wili inki.

Ar ma' naa ta chik rilariik wach q'equm aq'ab', ma' kota chik ruman chi keh saqumb'al, ni xata re' i rusaqumaal i q'iij. Ruum re' chik i rusaqumaal chii' wach i QaJaaw Dios naa rusihq'iniik keh. Eh ar naa kianam i taaq'anik chi juneliik.

Re' inq'orik rukorkiil taqe wili i ruq'or chi je' wili: Hoo'. Re' hin ilook' wo' chik kinchalik ruka'peech, inki. Je' ta wo' naq re', QaJaaw Jesucristo. Kim. Re' ta naq i QaJaaw Jesucristo nee ruyeew rotob'il taq cha naah chawunchelaal. Je' ta naq re'.

Re' hin i Juan noq k'ahchi' nuq'orom keh chu'nchel i ki-ib'irinik reh i q'orooj chi naa ruk'ulariik re' tz'ihb'amaj chupaam i huuj wili: Wila' awach xtiqwik naah chib'ih ruq'or, re' Dios naa rutiqwiik naah taqe ti' k'axik chinaah tz'ihb'amaj chupaam i huuj wili. Eh wila' awach xtoqwik rooq i q'orooj chi naa ruk'ulariik re' tz'ihb'amaj chupaam i huuj wili, ma' naa ta ruye'ariik reh ruum i Dios i ruwachuj i chee' inye'wik juneliik k'acharik. Eh ni xata naa rokiik chupaam i Santolaj tinamit, re' i q'orooj chupaam i huuj wili.