Popular Bible Verses from Apoc 19

Share

Je' re' noq, qasuuqb'isaj taq qak'ux chi manlik. Qayeew taq ruloq'il i qaDios, ruum xureq chik ruq'ijil chi naa rub'anam kaxáro i je' Rak'uun Tentzun. Eh re' naa ruk'amam chi rehk'een ruyejaam chik riib'

Re' iqlik rij kawáyu, chuwach i ruso' chukorkiil nah rutuuq tz'ihb'amaj i b'ihnaal wili: Reey chikinaah taqe reey, eh Ajaab'ees chikinaah taqe ajaab'ees, inki ruq'or.

Eh tehlik chik i chii' i taxaaj noq xwil, jinaj i saq riij kawáyu xwilow wach ar. Re' iqlik chi riij je' taqe wili i rub'ihnaal: Xti Korik wach ruk'ux, ma' xta chukuj Q'orik ruuk', ruum re' reh parub'ehel i rub'an i taaq'anik, i rub'an i peleto.

Eh re' taqe naq'wach xan reprotik chik je' rukab' i rub'an i xaq q'aaq'. K'ih tahs i rukoróna wilik wach naah. Eh jinaj i b'ihnaal tz'ihb'amaj xa re' wo' reh inreqwik chi riij. Re' ruso' muh-amaj pankik', je' wili i rub'ihnaal: tehel wach reh i ruQ'oral i Dios.

Re' reh jinaj i ch'ihch' k'ul q'as xelik cho panchii', b'amb'al keh i ti' k'axik i nimaq taq tinamit. Je' b'axtoon ch'ihch' i naa ruwihiik pan q'ab' na' chub'an i taaq'anik. Je' rukab' noq inyeq'arik paam i uuva pan yitz'b'al reh. Eh naa ruye'em keh chi uuk'jik i k'ahlaj ha' ruum i rujosq'iil i Dios nim rajaawriik.

Eh re' peet josq'laj chikop xchoparik ruch'ihil i rukoj riib' chi q'orol ruq'oral i Dios, re' i xk'uhtanik cho reh i sahchb'al k'uxliis chuwach i chikop re' re'. Eh ruuk' i re' xujot'ib'eej taqe i xkiyeew q'ab' chi xkojarik keh i rehtalil i peet josq'laj chikop, xkiloq'ej i rujalwaach. Eh re' josq'laj chikop ruch'ihil i rukoj riib' chi q'orol ruq'oral i Dios, k'achlik kiwach noq xikutarik pan palaw q'aaq' qoplik ruuk' asufre.