Popular Bible Verses from Apoc 16

Share

Re' hin xa je' kinooj k'oloq i ajileq' taq cha naah. Atoob' reh awach i na'lik reh eh ruk'axam-oq i ruso' rukojom chi riij. Chi je' re' ma' t'uslik taj, eh ma' nee ta ruk'uhtaaj ruk'ixb'ilaal chikiwach i tinamit, inki.

Re' ruwaaq ánjel xuchihkaaj chaloq i wilik chupaam i rukulk chinaah i nim ha', Éufrates. Eh ruum i re', xchiqik i nim ha', reh chi xteh i kib'eeh taqe reey chalik inki a'n parelb'aal q'iij.

Re' taqe re' i ruxlab'al i aj Yahm, eh xa chib'ih jariik i ma' ilooj taj inkik'uhtaaj chi sahchb'al k'uxliis. Eh xa aha' kiooj chumolariik kiwach taqe reey wilkeeb' sut i wach ak'al reh i pletohinik chupaam i ru nimlaj Q'iij i Dios xiik' naah nimaal rajaawriik.

Eh chi riij i re', ixib' chi ma' tob'laj uxlab'al je' kiwii' tuhtz' xwil kiwach. Jinaj i xelik cho panchii' i mama' kaq riij aaq', jinaj xelik cho panchii' i peet josq'laj chikop. Jinaj i xelik cho panchii' i jalal ruq'oral i Dios i rub'an riib'.

Re' taqe re', xti q'e' ti' i k'ahtik xkik'ul ruum i rutz'a'iil i q'iij. Eh ni xata ruum i re' xkinimaj i Dios, eh ma' xkiyeew ta ruloq'il, rub'ajariik la' chik i Dios xkian, re' i wilik rajaawriik chuye'ariik taqe ti' k'axik re' re'.

Xooj aj re' i peet ánjel, xuchihkaaj chaloq i wilik chupaam i rukulk chinaah i wach ak'al. Ruum i re', xpoq' chaloq jinaj yeb'ee wach ti'laj rax q'aah chikiij chu'nchel i tinamit i kojooj keh i rehtalil i peet josq'laj chikop, eh inkiloq'ej wo' hoq i rujalwaach.

Re' taqe ma' tob'laj uxlab'al re' re' xkimol wach chu'nchel reey ar chupaam i ye'aab' rub'ihnaal pan kiq'oral i aj hebreo.