Popular Bible Verses from Apoc 13

Share

Re' wili na'ojb'al iraaj. Awach i rureq chi riij, chukapaaj riij nik' k'ihaal nee nelik chuwach i ajlaamb'al reh i josq'laj chikop. Re' ruk'ihaal i ajlaamb'al re' re', chi riij i rub'ihnaal jino'q winaq inq'orik, waqiib' siento ruuk' waqiib' rukajwinaq inooj eloq.

Chu'nchel i tinamit wach ak'al xiloq'inik ree josq'laj chikop re' re'. Re' taqe re' xa re' wo' rutz'uhkriik chee wach ak'al ma' kojooj tee kib'ihnaal paruhujil i juneliik k'acharik wilik ruuk' i je' Rak'uun Tentzun, re' i kansamaj chi jilow mayiij.

Re' i rukab' josq'laj chikop xuq'or chi kojaroq kehtalil parusak'aaj kiq'ab' oon yejal kiwach i tinamit, chi nimaq chi kok' taq, chi b'ehoom chi neb'aa', chi ma' awach ta intaaq'anik keh chi je' minooj taqe pankowlaj kamanik. Eh ma' awach ta chik i neerub'an i loq', neerub'an i k'aay wila' ma' kojooj reh i rehtalil oon re' i rub'ihnaal i josq'laj chikop oon re' k'ihaal i rajlaamb'al i rub'ihnaal.

Awach i ruk'ul chi naa ruye'ariik pantz'ilom, naa wo' ruye'ariik pantz'ilom. Eh awach i ruk'ul chi naa rukanteesjiik ruuk' q'aslaj ch'ihch', ruuk' wo' q'aslaj ch'ihch' naa rukanteesjiik. Ruum re' taqe i santo laj aj nimaneel koruman chi naa kikuyum i ti' k'axik.

Eh re' mama' kaq riij aaq' re' re' xuq'eb'aa' riib' chi uy-inik chii' palaw. Eh jinaj chik i mama' josq'laj chikop xelik cho pan palaw wuquub' i naah, lajeeb' i ruk'aa'. Re' ju'jun chi ruk'aa' wilik ju'jun kikoróna. Eh wach kinaah i wuquub' chi nahis tz'ihb'amaj i b'ihnaal b'ajb'al ree Dios.

Xye'arik wo' q'ab' reh chi naa rub'anam i peleto kuuk' i santo laj aj nimaneel korehtaal i rub'an keh. Eh xye'arik wo' runimaal wach chi taaq'anik chikinaah i ju'jun ch'uq chi nimaq tinamit, ju'jun chi kok' tinamit, i xa reh reh wach kiq'orik wii'.

Eh ruuk' taqe ma' ilooj taj xuk'uhtaaj, re' i ye'ooj q'ab' ree rub'anariik chuwach i peet josq'laj chikop, xujot'ib'eej tinamit wach ak'al. Eh xumin taqe chupaam i tinamit chi kitz'aq jino'q i rujalwaach i peet josq'laj chikop, re' i ma' xkimik ta ruum i ruyok'om i q'aslaj ch'ihch'. Re' rukab' josq'laj chikop xye'arik rajaawriik chuye'ariik ruxlab'al i rujalwaach i peet josq'laj chikop, reh chi xq'orik i jalwaach re' re', reh chi xukansaj taqe i ma' xiloq'inik ta reh.

Re' josq'laj chikop xwilow wach je' ruwii' rajaaw b'ahlam. Re' taqe rooq, je' rooq oso. Eh re' chii' je' chii' kaq b'ahlam, eh re' i mama' aaq' xuyeew i rutzunaab' reh i josq'laj chikop, xuyeew rajaawriik runimaal wach chi taaq'anik.

Eh re' josq'laj chikop xye'arik q'ab' reh chuq'orariik i xa chib'ih jariik chi b'ajb'al ree Dios. Xye'arik wo' q'ab' reh i josq'laj chikop chi xa ki'ib' roxk'ahl poh naa ruwihiik runimaal wach chi taaq'anik.

Jinaj chi kixilak taqe naah i josq'laj chikop je' cho yok'eel xakimik chik reh ruum, eh xk'achjik wo' chik. Noq xkilow chi je' re' i tinamit xsahchik kik'ux, eh xkinimaj i josq'laj chikop.

Chi riij i re', jinaj wo' chik i mama' josq'laj chikop xelik cho panak'al noq xwil. Ki'ib' i ruk'aa' je' ruk'aa' rak'uun tentzun, eh je' inq'orik mama' aaq'. Re' reh wilik ruuk' i rajaawriik i peet josq'laj chikop. Eh re' rukab' chikop, re' wach ak'al, chu'nchel i tinamit xumin taqe chulooq'jiik i peet josq'laj chikop, re' i k'isiin naq ma' xkimik ruum i ruyok'eel eh xk'achjik wo' chik.