Popular Bible Verses from Sal 77

Share

Re' hin naa ruk'uliik panuk'ux taqe i sahchb'al k'uxliis rub'anam quuk' i QaJaaw najtir cho q'iij. Eh naa nukapaam riij chu'nchel i rub'anam, naa nuq'orom rib'iral chu'nchel i rub'an.

Xa re' wo' hat i Dios i na a'n taqe sahchb'al k'uxliis. Eh xayeew chi naab'jik awajaawriik keh i nimaq tinamit.

QaJaaw Dios, re' hat ma' xta chik jino'q i Dios nim rajaawriik chawach ruum re' hat Santo ab'eeh.

Re' hin, re' nuDios inuq'o'reej chi kow panutiij, reh chi kirib'iraj. Eh noq intz'irik nuwach inusik' i QaJaaw, xa eliik wo' naq i nujosaj i nuq'ab' chub'aan i nutiij pantaq chaq'ab'. Xa re' la' xama' nureq ta wo' rusuqkiil i wánima.