Popular Bible Verses from Sal 55

Share

Chakanaa' pan q'ab' i QaJaaw Dios chu'nchel i tiqaaj wii' kapeew re' reh neentoob'inik aweh. Ruum re' i QaJaaw Dios ma' jaruuj neeruq'eb' i korik wach ruk'ux.

Re' hin naa nuq'o'reem i QaJaaw Dios ruuk' ooq'ik, pan wahq'eq, kab'lajora i q'iij, chaq'ab'. Eh re' reh naa kiin rib'iram.

QaJaaw Dios, re' taqe kaansoom, taqe i chukul q'orik ma' naa ta kik'achariik yejaal-oq i kik'achariik. Ruum re' hat naa aye'em q'ab' chi naakikimiik chi jumehq'iil. Eh re' hin, awuuk' i hat i nuyeew nuk'ux.

Eh re' hin, re' nuDios naa nuq'o'reem, eh re' reh neenko'linik weh chupaam i ti' k'axik.

Re' reh naa ruko'liniik weh panq'aq'inik, chuwach i kimik, atoob' ta naq yohb'aal wach kik'ihaal taqe i neenkaaj nukanteesjiik.

Hat nuDios, chab'iraj tii i nutiij, maakanaa' chi je' re' i nupahqaaj aweh.