Popular Bible Verses from Sal 51

Share

QaJaaw Dios, chasaqb'isaj wach i wánima. Chajal wach i wánjel nut'iosil reh chi neenub'an i korik chawach.

Chayeew wo' chik weh i suq kiil k'uxliis i ruyeew i ko'lemb'al iib'. Eh chayeew rukowiil nuk'ux ruuk' aSantolaj Uxlab'al q'e' atoob'.

Maa kinaq'eb' tii chi riij ak'ux, eh maawesaj pan wánima aSantolaj Uxlab'al.

Re' mayiij inawaaj i hat QaJaaw Dios re' chi naa nuyot'om i wánima re' yot'oj k'uxliis chi riij mahk. Ruum re' hat ma' nee ta naq'eb' awach ineeruloch' riib' chawach.

QaJaaw Dios ruuk' ak'axb'al chaketelaaj tii nuwach. Eh ruuk' i runimaal aawotob'il chajux taqe i ruyib'kiil wach i nuna'ojb'al. Chatz'aj iloq i ma' holohik taj i nub'an. Xti chawesaj iloq taqe numahk.

Chatz'aj iloq i numahk ruuk' q'ab' chee' hisopo. Chatz'aj iloq i numahk reh chi neenkahnik chi xasaq saq chik i wánima, xa je' chik rukab' i saq laj suutz'.

QaJaaw Dios, re' hin xa re' i yiib' wach, xa re' i mahk i nub'an chawach. Eh xa re' chik i ma' imponik ta chawach i nub'an, ruum i re' parub'ehel xaq'at i q'orik chi nunaah, xti ruk'ul chi je' re' i xa a'n