Popular Bible Verses from Sal 119

Share

Eh jinaj saqum chi weh aq'oral ruum re' i re' ink'uhtanik weh chib'ih i naa nub'anam.

Re' hin numolom pan wánima taqe aq'oral reh chi ma' nee ta chik kimahkunik chawach.

¿Nik' wach noq nee rureq i saq wach k'acharik i k'ijool? Xa re' wo' chi neerub'an taqe i ruq'or aq'oral.

Atoob' keh inki a'n chu'nchel i ruq'or i ruk'uhb'aal. Eh inkisik' chu'nchel i kánima.

Re' hat titoob'inik weh, re' hat ti ko'linik weh, eh ruuk' aq'oral nuch'ikaam i nuk'ux.

Chayeew tii nuna'ojb'al reh chi nee nub'an chu'nchel nuk'ux taqe i ruq'or aak'uhb'aal.

Eh xa re' chik taqe aak'uhb'aal neenub'an. Ma' nee ta nuyeew nuk'ux chinaah i b'ehomal.

Chi wee hin ma' xta reet chi xinayeew panti' k'axik. Ruum chi je' re' neenureq chi riij taqe aak'uhb'aal.

Eh re' aq'orom cho weh chi naa a'nam wuuk' inye'wik rusuqkiil nuk'ux noq ti' nuk'ux. Ruuk' i re' i nayeew rukowiil nuk'ux.

Chak'am nub'eeh ruuk' taqe aak'uhb'aal ruum xa ruuk' wo' re' neenureq rusuqkiil nuk'ux.

QaJaaw Dios cha k'uhtaaj weh i rukorkiil taqe aak'uhb'aal reh chi nee nunimaj korehtaal i weliik ayu' wach ak'al.

Re' hin xa re' chikoq'iki nub'an. Chayeew rukowiil nuk'ux, je' rukab' aaq'orom weh.

Re' hin ma' k'isiin ta nuk'ax aak'uhb'aal, chu'nchel i q'iij inutijeej riij.