Popular Bible Verses from Sal 103

Share

Naa nuye'em ruloq'il i QaJaaw Dios chu'nchel i wánima ruum ma' jaruuj naa rusahchiik panuk'ux i rotob'il.

Re' reh inkuywik chu'nchel i numahk, re' reh ink'aachrisanik weh ruuk' chu'nchel i nuti'kiil. Re' reh inko'linik weh chuwach i kimik, eh i ruyeew weh i rotob'il chi manlik, i ruketelaaj nuwach. Re' reh inye'wik weh i suq atoob', reh chi kinkahnik chi je' jino'q ak'un reh chi kinkahnik chi je' jino'q xihk ma' ahl ta ruti'jolal.

Re' hin naa nuloq'em i QaJaaw Dios chu'nchel i wánima. Eh naa nuye'em ruloq'il i santo laj rub'ihnaal.

Re' QaJaaw Dios ma' k'isiin ta ruketelaaj kiwach i kiyohlinik reh, je' rukab' noq i ruketelaaj wach i rak'uun rixq'uun jino'q i aajaab'ees.

Ruum re' qamahk xresaj reje chi qawach, nik' najtiil wilik ruuk' ireelb'aalq'iij i rookb'aal q'iij je' re' najtiil xukanaa' reje quuk' i qamahk.

Re' QaJaaw Dios xa atoob' wach ruk'ux, eh q'e' aj keteloom wachiis. Re' reh ma' jumehq'iil ta nchalik rujosq'iil, ruum xiik' naah i ketelinik wachiis ruuk'.

Ma' qohruyeew ta panti' k'axik je' naq rukab' i ruk'ul chi qeh, ruum q'e' hoj aj mahk. Eh xiik' naah yib'kiil wach i qana'ojb'al. Re' QaJaaw Dios xiik' naah i ruketeljiik kiwach i rub'an i kiyohlinik reh. Ma' xata je' najtiil ruuk' i wach ak'al i taxaaj i ruketeljiik kiwach i rub'an.

Re' QaJaaw Dios ar wilik chi taaq'anik pan taxaaj. Eh re' reh wilik rajaawriik chikinaah chu'nchel i xa chib'ih jariik.