Popular Bible Verses from Prov 13

Share

Awach i xutahqeej taqe i holohik kina'ojb'al, naa ruwihiik runa'ojb'al. Eh awach xutahqeej taqe i ma' kinimanik taj, naa ruq'eb'em riib'.

Awach i xa rupaj i q'orik i rub'an, re' wo' reh i ruk'ax riib'. Awach i xanwolwotik chi q'orik, xa re' wo' reh i rujot' riib'.

Awach i ma' rutijej ta taqe i rak'uun rixq'uun, ma' ruk'ax ta taqe. Eh awach i rutijej taqe i rak'uun rixq'uun, i ruk'ax taqe.

Eh noq ma' nelik ta wach inqakapaaj, i rutiib'isaj qak'ux. Eh noq i nelik wach inqakapaaj, qohkahnik chi je' rukab' i chee' inye'wik k'acharik.

Re' i ma' xta ru mahk re' korik i rub'an inko'linik reh. Eh re' aj mahk, re' i yiib' wach i rub'an naa rusachwiik wach.

Re' b'ehomal inkan ruuk' i leq', insahchik wach. Awach i rumol wach rub'ehomal chiq'uun, ruuk' rukamaj, naa rutiqiik naah reh.

Re' niimb'isanik wachiis, peleto i ruk'am chaloq. Re' taqe i xama' nimaq ta kiwach wilik kina'ojb'al.

Re' holohik runa'ojb'al i rukanaa' kikooch taqe i riih rumaam. Eh re' rub'ehomal rumolom wach i aj mahk, naa rukahniik chi reh i korik wach ruk'ux.

Re' ak'uunb'ees wilik runa'ojb'al, i runimaj i ruk'uhb'aal i rajaaw. Eh re' ma' nib'irinik taj, ma' runimaj taj i ruq'ilariik imb'aan.

Awach i ma' runimaj taj i ruk'uhb'aljiik, neb'a'il, k'ixb'ilaal i naa ruchaliik chinaah. Eh awach i runimaj i ruq'ilariik, naa ruye'ariik runimaal wach chi manlik.