Popular Bible Verses from Prov 10

Share

Re' rotob'il i QaJaaw Dios jinaj b'ehomal i ruk'am chaloq, ma' xta ti' i ruk'am chaloq.

Awach i xa nwolwotik chi q'orik i ruq'eb' riib' ruuk' i ruq'oral. Awach i xa rupaj i q'orik i rub'an, wilik runa'ojb'al.

Awach i wilik ixowaal ruuk' xa re' i tikij peleto i rub'an. Awach i wilik k'axooj ruuk' neerukuy i ma' holohik taj neemb'aan reh.

Awach i ma' ruchop ta ruk'ux chi kamanik, neb'a'il i ruk'am cho chinaah. Awach i ruchop ruk'ux chi kamanik, b'ehomal i ruk'am cho chinaah.

Awach i ruk'am naah i ruq'ilariik, chupaam i holohik laj k'acharik ojik i rub'an. Awach i ma' ruk'am ta naah i ruq'ilariik, panti' k'axik ojik i rub'an.

Awach i holohik imb'anik ma' xta neenyo'jik wii'. Awach i ma' holohik ta imb'anik ti' naa rojiik ruk'ulum.

Awach i ruyohleej i QaJaaw Dios intiqarik rooq i ruk'achariik. Eh re' taqe i yiib' wach kina'ojb'al naa rutoqariik rooq i kik'achariik.

Re' QaJaaw Dios ma' ruyeew ta chukuyariik ruwa' ruhaa' i korik wach ruk'ux. Eh i ruyeew chukuyariik i ruwa' ruhaa' i yiib' wach runa'ojb'al.

Re' yiib' wach runa'ojb'al xa re' yu' insahchik wach, xa je' nik'ik kowlaj teew. Re' i korik wach ruk'ux reh ma' jaruuj naa rusahchiik wach.