Popular Bible Verses from Isa 9

Share

ruum jinaj i k'isa k'un x-aasjik chi qeh, re' i QaJaaw Dios xye'wik cho qeh, re' chik i reh naa rub'aniik i taaq'anik. Eh je' taqe wili i naa rubíhnaam: Kojol na'ojb'al, ma' ha' ta chi je', Dios nim rajaawriik, Ajaab'ees naa ruwihiik chi juneliik, eh ye'el reh i wihik pansuqkiil k'uxliis.

Re' taqe i tinamit k'acharik inki a'n panq'equm, xkilow wach i runimaal saqum. Eh re' taqe i k'acharik inki a'n paruyohb'alil i kimik, xisihq'iljiik cho ruum jinaj i saqum.

Eh re' reh naa ruwihiik chi reyil, je' rukab' noq xwihik chi reyil David. Eh re' i taaq'anik naa rub'anam i suq kiil k'uxliis naa ruye'em ma' xata pajooj najtiil, Re' i korik, re' rub'ehel, naa ruye'em, reh juneliik. Re' i QaJaaw Dios je' re' i naa rub'anam, re' raaj i reh chi xa re' wo' reh naa runimjiik.

Re' taqe i aj ixowaal re' re', xa nk'uyu'jik chik ak'al i naa rub'anam i kixijab', reh q'aq'inik. Eh re' i kiso' naa rusahchiik chi kik', je' wo' hoq i keh naakik'atariik wach q'aaq' chi sachb'al kiwach

Re' i QaJaaw Dios ma' chu'nchel ta q'iij naa risam i rajaawriik i tinamit Zabulón, je' wo' i tinamit Neftalí, naa la' risam i ruti'kiil kik'ux. Naa ruponiik i q'iij chi naa ruye'em ruloq'il i tinamit wilik chi chii' i nim ha' Jordán, re' i wilik chii' b'eeh inooj chi chii' palaw. Eh naa wo' chik ruye'em ruloq'il i tinamit Galilea, re' i wilkeeb' wii' i ma' re' ta aj Judío.

QaJaaw Dios re' hat naa ak'ihaaxb'iisam i tinamit, eh naa rusuuqb'iik kik'ux awuuk', je' rukab' noq insuuqb'ik kik'ux i kore' xkian i jach. Je' rukab' noq insuuqb'ik kik'ux noq inkich'aq inkiq'uch chaloq panq'aq'inik.

Re' hat naa awesam ahl laj ihq chikinaah, naa awesam taqe panti' k'axik imb'aan keh kuum inixowanik kiwach. Eh naa asacham kiwach je' rukab' i xa a'n keh i aj Madián.