Popular Bible Verses from Isa 48

Share

Re' i Dios wilik ruSantohiil re' aaDios taq i hat aj Israel inko'linik taq aweh je' wili xuq'or: Re' hin, aaDios, hin taq kink'uhtanik aweh i ma' xta reet taq cha weh, hin kink'amwik taq aweh chupaam i b'eeh i ruk'uul taq cha weh. Ma' xta naq reet chi xanimaj taq i nuk'uhb'aal, reh chi xooj naq chi nimaal i rusuqkiil taq ak'ux, je' rukab' noq inooj chi nimaal i rooq i ha'. Eh nee naq taq ti elik korik, je' rukab' i palaw ma' nsahchik ta wach.

Re' hin xwaaj naq chi xat korjik taq ruuk' i ti' k'axik. Xa re' la' ma' ruuk' ta q'aaq' je' rukab' imb'aan reh i plata noq inye'arik pan q'aaq'.

Xa ruum i nuloq'il, i nuk'axb'al ma' xnusach ta taq awach, ruum ma' nwaaj ta chi neenuyeew wiib' chi q'orarik, eh ma' nee ta nuyeew i nuloq'il reh tokoom, inki Dios.

Eh re' taqe i yiib' wach kina'ojb'al ma' naa ta ruwihiik rusuqkiil kik'ux, inki QaJaaw Dios.