Popular Bible Verses from Isa 46

Share

Re' hin xinq'orik chaloq chib'ih taqe imb'aan i rutihk'ik chee k'acharik. Eh re' hin kinq'orik i k'uluuj chik, je' wo' hoq i komajaa' ink'ularik. Naa nub'anam chu'nchel i nuyejaam wach. Re' hin xnusik' wach i reey Ciro wilik najt tinamit wilik reje chi korkiil ireelb'aalq'iij. Re' reh je' rukab' i k'uch, re' reh naa rub'aniik i nuyejaam wach, nik' wach i nuq'orom, je' wo' re' i naa nub'anam. Re' i nuyejaam cho wach naa wo' nub'anam.

Eh je' re' i naa nub'anam taq awuuk' korehtaal taq tirijb'iik, insaaqb'ik taq i rismaal aanaah. Re' hin xintz'ukrisanik taq chaaweh, ruum aj re' xama' naa ta wo' nukanaam taq awilariik, atoob'jiik, ako'ljiik.

Eh k'oloq taq panak'ux chib'ih jariik i k'uluuj taqe chaloq najtir q'iij, xa re' wo' hin i jinaj chi Dios, ma' xta chik jino'q chi nuwach i hin. Ma' awach taj inerureq chi je' rukab' i hin.

Re' Dios je' wili xuq'or: Re' taq i hat, aj Israel i hat taq riih rumaam i Jacob, kinab'iraj taq. Re' taq i hat i koxat kahnik taq, chanab'eej taq chi noq komajaa' taq ti aasjik chaloq xa hat wo' taq nucha'jeem.