Popular Bible Verses from Isa 19

Share

Noq naakikuxeesjiik ruum i QaJaaw Dios nim rajaawriik je' wili i naa ruq'orom: Re' hin naa nukuxisam i nutinamiit Egipto, naa nukuxisam i Asiria, re' i nuyejaam chaloq, je' wo' hoq i Israel re' i xa nutinamiit wo' chaloq, inko'q.

Re' taqe i re' naa rukahniik chi rehtalil chi re' i QaJaaw Dios naa ruwihiik ar Egipto. Noq re' taqe i tinamit naa kipahqaam i rotob'il ruum i ti' k'axik, naa wo' kib'irjiik. Re' i QaJaaw Dios naa rutaq'aam chaloq jinaj i naa resaniik keh pan i ti' k'axik.

Xq'orarik chi naa ruchaliik i ti' k'axik chinaah i tinamit Egipto, je' wili xq'orarik keh: Chab'iraj taq, re' i QaJaaw Dios chinaah i suutz' kow i rub'an naa ruponiik taq cha naah, eh naa ruk'uyu'sam pan kiye'aab' taqe i tiyoox ar Egipto. Re' taq i hat aj Egipto naa taq ayo'jiik chuwach.

Eh chupaam i q'iij re' re' naa ruwihiik jinaj ru artaal i QaJaaw Dios ar Egipto. Eh chupaam reje i k'ula't reh i rutinamiit naa ruwihiik jinaj inajt naah ab'aj loq'oomb'al reh i QaJaaw Dios.