Popular Bible Verses from Isa 1

Share

Eh re' QaJaaw Dios je' wili i xuq'or: Kim taq wuuk' chi jumehq'iil, qayejaa' taq wach aak'axkiil. Atoob' ta xa ch'uwa' taq chik wach awánima ruum amahk, re' hin neenukanaa' chi xa je' chik saqpotz'ik laj suutz', atoob' taxiik'naah kaqiil, re' hin neenukanaa' chi xa je' chik saq laj nooq'.

Wila' xanimaj taq i nuq'or, naa taq a'nam rusuqkiil i kiwach i tik i nelik wach ak'al.

Chatijej taq rub'aan i holohik, re' taq cha a'n i ruk'ul chi b'anarik. Eh chawunej taq i chib'ih aweh taqe i neb'aa', korik-oq taq wach ak'ux kuuk' i ma' xta kituut kajaaw, chatoob'eej taqe kamnaq kib'ahiil, inki.

Eh raaj wila' ma' xanimaj taq, naa taq kaat kikansam ruuk' q'aslaj ch'ihch' i ki-ixowanik taq awach, inki i Dios.

Chasaqb'isaj taq wach awánima, cha kanaa' taq chi ma' xta chik ruch'uwa'iil wach, reh chi ma' nee ta chik taq i na a'n i yiib' wach na'ojb'al.

Eh noq nee taq inajosaj chaa q'ab' chub'anariik taq atiij, re' hin xama' nee ta wo' taq ti wilow qohoq. Atoob' ta ma' k'isatiij taq i neena a'n. Xa ma' naa ta wo' taq kaat b'iram, ruum ma' k'isiin taq aawas achaaq' akansam.

Re' hin ma' nwaaj ta chik chi nee taq i nak'am chaloq i mayiij chi nuwach xama' xta nokik wii'. Re' i rusib'eel i insensia ma' suq ta i rub'an weh. Re' runinq'ijiik i ak' poh, i hi'limb'al q'iij, ruch'ihil i moloj iib' taq i na a'n, ma' imponik ta chi nuwach.

Re' i b'ooyax reh, reht'al wach i rukoo', eh re' i b'uurux reht'al aha' inketarik. Eh re' i nutinamiit Israel reh ma' nkiyeew ta wajaawriik i hin, ma' nkireq ta chi riij.

Re' hin ma' nwaaj ta wach i runinq'ijiik i ak' poh, i moloj taq awiib' i na a'n. Re' taqe re' ma' suq ta i rub'an weh, xama' nukuy ta chik taqe i yiib' wach na'ojb'al taq i na a'n re' re'.