Popular Bible Verses from Ez 34

Share

Re' hin naa nusik'im i nutentzuun i sahchinaq taqe naa numolom cho kiwach i q'ehb'inaq. Naa nu b'ak'am wach i kitoqeel, naa nutob'eem taqe i ma' kow ta kik'ux. Re' taqe i q'ina' ruch'ihil taqe i kow kiib' naa nucha'jeem taqe je' rukab' i ruk'ul chi keh.

Re' hin naa nub'anam keh je' rukab' i rub'an i cha'jen tentzun ti' rik'raaj taqe i rumol kiwach noq inkitukej kiib'. Je' wo' re' i naa nub'anam i hin kuuk' i nutinamiit naa numolom kiwach, naa wesam taqe chaloq panti' k'axik chupaam i q'iij noq wilkeeb' panq'equm paam ye'aab' kitukem wii' kiib'.

Eh je' wo' chik wili i xuq'or i QaJaaw Dios: Re' hin i nuq'or chi re' chik i hin naa nucha'jiniik keh i nutentzuun noq wilkeeb'.

Re' chik i hin naa nucha'jiniik keh i nutentzuun noq wilkeeb'. Re' hin naa nuye'wiik keh chi hi'lik, inki QaJaaw Dios.

Re' taq i hat aj Israel hat taq nutentzuun noq wilkaat. Re' taq i hat, hat taq nutinamiit, eh re' hin, hin taq aaDios, inki.

Hat rak'uun winaq cha q'or keh i cha'jen keh i aj Israel chi je' wili: Re' i QaJaaw Dios, je' wili i ruq'or taq chawiij: Re' taqe i aj cha'jen keh i aj Israel q'e' ti' i naakik'ulum ruum xa re' keh inkicha'jeej kiib'. Xanaah re', re' naq i nutinamiit i naakicha'jeem re' taqe i nutentzuun noq wilkeeb'.