Popular Bible Verses from Ez 18

Share

Re' hin ma' inwaaj taj chi awach i neenkimik parumahk, inwaaj la' chi neenayot' taq ak'ux chi riij taq amahk, reh chi neen wihik taq ak'achariik, inki i QaJaaw Dios.

Awach imb'anik reh mahk re' wo' re' naa rukanteesjiik, re' ak'uunb'ees ma' nee ta rutoj riij i ru mahk i rajaaw. Ni xata re' ajaab'ees neerutoj riij i ru mahk i rak'uun. Re' korik wach ruk'ux naa ruk'ulum i rukooch. Eh re' i yiib' wach runa'ojb'al re' wo' tojb'al ru mahk naa ruk'ulum.

Chakanaa' taq rub'aan chu'nchel i xat mahkunik taq wii' chi nuwach, chayeew taq q'ab' chi neen ak'b'ik taq awánima, je' wo' taq ak'achariik. Ruum wi ma' xa a'n taq i re' taq i hat aj Israel naa taq akanteesjiik.

Re' hin ma' inwaaj ta chi neenkimik parumahk i yiib' wach runa'ojb'al, inwaaj la' chi neerujal wach i runa'ojb'al, chi je' re' neen wihik ruk'achariik, inki i Dios.

Eh wila' re' yiib' wach runa'ojb'al xukanaa' chu'nchel i mahk, re' chik neerub'an chu'nchel i ruq'or i nuk'uhb'aal, je' wo' hoq i rub'ehel chi b'anarik, xti korik i nuq'or chi naa ruwihiik ruk'achariik ma' naa ta rukanteesjiik.

Eh i rub'an taqe i ruq'or i nuk'uhb'aal, eh rub'an chi korik chu'nchel i nuq'or reh. Re' winaq re' re' xti korik wach ruk'ux ruum aj re' naa ruwihiik ruk'achariik. Re' wili korik ruum re' hin i Dios kinq'orik reh.