Popular Bible Verses from Ex 8

Share

Re' taqe i aj q'iij wilkeeb' ar i Egipto xkisutej wo' naq chi uk' i pooq i keh ruuk' i kiyiib' wach na'ojb'al. Xa re' la' xama' xkian ta wo' rub'aan, eh re' taqe i uk' keh chayeew i ruti'ariik i tinamit, i chikop inki a'n Eh re' taqe i aj q'iij re' re', je' wili i xkiq'or reh i reey: Re' wili rutaaq'aniik taqe chaloq i Dios, inki taqe. Eh re' reey reh xukowb'isaj i ránima xama' xutaq'aaj ta wo' reje taqe i aj Israel, xama' xunimaj ta wo' hoq i xkiq'or je' naq rukab' i xuq'or i Dios.

Je' wili i xuq'or reh i Moisés: Yu'naak hiy wo' chik ruuk' i reey cha q'or reh chi je' wili: Chi chuyeew q'ab' chi nee kiooj i nutinamiit Israel reh chi nee kiooj chi nulooq'jiik.

Re' i reey noq xrilow chi ma' xta chik ruk'axkiil xukowb'isaj wo' chik i ránima xama' xutaq'aaj ta wo' taqe i aj Israel. Xa ma' xunimaj ta wo' hoq i xuq'or QaJaaw Dios.

Eh wila' ma' xuyeew q'ab' chi nee kiooj i nutinamiit re' hin naa nuye'em ma' k'isa tuhtz' chi naa kianam ti' k'axik reh i rutinamiit Egipto.

Re' QaJaaw Dios je' wili i xuq'or reh i Moisés: Chaq'or reh i Aarón chi nee ruq'oj paam i pooq ruuk' i rukarote, reh chi re' pooq neensutinik chi uk', eh neenkipuhkaaj kiib' chupaam i tinamit Egipto, inki.

Eh re' i QaJaaw Dios xutaq'aaj wo' chaloq i ma' k'isa utz' xinujik parupaat i reey intaaq'anik wii', pankipaat i kikamanik ruuk', xinujik chupaam i rutinamitaal i Egipto. Eh re' taqe i utz' re' re' yohb'aal wach i piix xkian chupaam i tinamit.