Popular Bible Verses from Ex 23

Share

Xa re' hin naa taq kiin aloq'em, hin taq aaWaJaaw aaDios. Eh re' hin kinkuxisanik reh taq awa' ahaa', naa wo' wesam taq cha naah i yab'ilaal. Eh ma' naa ta taq akimiik noq komajaa' i rureq i ruq'ijil. Ni xata naa taq ruwihiik panatinamiit jino'q ixoq chi ma' naa ta ruwihiik ruha'lak'uun, ni xata naa rik'sam i ruha'lak'uun.

Re' hin naa nutaq'aam taq chaaweh i nuánjel reh chi nee taq tirucha'jeej panab'eeh. Eh nee wo' taq ti ruk'am reje chupaam i ye'aab' nuyejaam taq cha weh.

Eh wila' korik chi xanimaj taq, wila'xa a'n chu'nchel i naa ruq'orom, re' hin naa taq kaat nuko'leem pan kiq'ab' i ki-ixowanik taq awach, eh ma' naa ta wajwaam kiwach i aj ixowaal re' re'.

Maa nimaj taq i kitaqchi' i ruk'ihaal ruuk' i ma' holohik taj. Noq naa taq rojiik aq'orom i korik pan q'atb'al q'orik, maa nimaj taq i kitaqchi', ruum nee-oq tikimin chuq'orariik i ma' korik taj. Eh maa min taq awiib' chi ruko'ljiik i neb'aa', wila' ma' rub'ehel i rub'an.

Re' taq i hat ma' naa ta taq aq'orom i xachukuj q'orik, maa a'n jinaj wach ak'ux ruuk' i yiib' wach kina'ojb'al, noq neenooj chukul q'orik pan q'atb'al q'orik.