Popular Bible Verses from Ex 15

Share

Eh je' wili i xuq'or i Moisés: Wila' xab'iraj, wila' xanimaj taq i nuq'or aweh. Re' QaJaaw Dios je' wili i ruq'or taq aweh: Wila'xa a'n taq imponik chi nuwach, wila'xa a'n taq chu'nchel i nuk'uhb'aal, wila'xa a'n taq i tinutaq'aaj wii'. Re' hin ma' nee ta i nuyeew taq cha naah jino'q keh i ti' k'axik re' ruuk' xnuyeew chikinaah i aj Egipto. Re' hin i Dios kin k'achrisanik taq aweh i hat, inki.

Re' hoj, re' QaJaaw Dios inqatz'uyej wach, re' inye'wik qajaawriik, re' ko'linik qeh. Re' re' reh i qaDios naa qaloq'em, eh re' wo' reh i ruDios chee qajaaw ruum aj re' naaqaye'em runimaal wach.

QaJaaw Dios, re' hat ma' jino'q i dios chi je' rukab' i hat. Eh ma' awach ta chik i wilik ruSantohiil, i wilik rajaawriik chawach i hat. Xa re' wo' hat tib'anik taqe i chib'ih jariik xiik' naah holwochiil i sahchb'al k'uxliis.

Eh ruuk' aak'axb'al xak'am kib'eeh aatinamiit, xak'am taqe chupaam i santo laj ye'aab' aq'orom chi naa aye'em keh.

Eh noq xi ponik chupaam i ye'aab' Mara, jinaj i ha' xkireq ar xa re' la' ma' xkuk'ej ta wo' hoq ruum k'ah i ha' re' re'. Ruum aj re' Mara inkiq'or reh i ye'aab' re' re'. Xkilow chi je' re' i aj Israel xkitoq'aa' i ma' holohik ta laj q'orik chi riij i Moisés, eh k'ul kipahqaaj chikiwach chi je' wili: ¿Aha' naa ruchaliik i ha' naa quk'em? inki taqe. Eh re' i Moisés xupahqaaj parutiij chi naa rutoob'jiik ruum i Dios, eh xk'uhtjik reh jinaj i chee' re' ruuk' i ki', xukut panha', eh re' ha' xkiib'ik. Ar xipajarik i aj Israel, eh wilik jinaj i k'uhb'aal xq'orarik keh reh chi naa kianam i holohik laj na'ojb'al.