Popular Bible Verses from Efe 6

Share

ruum re' hoj ma' kuuk' ta taqe quch ti'jolal k'ahchi'kooj chi peleto. Kuuk' la' taqe i k'ih b'uhr kiwach chi ma' tob'laj uxlab'al wilkeeb' cho panteew k'ahchi'kooj chi peleto. Re' taqe re' kitaaq'anik, wilik kajaawriik, eh kichopom naah i tinamit wach ak'al panq'equm kiye'em ruum i mahk.

Eh maakanaa' taq rub'aan aatiij, cha pahqaaj taq reh i Dios chib'ih taq inawaaj, ruuk' i rajaawriik i Santolaj Uxlab'al. Xa eliik-oq na'lik taq aweh, reh chi ma' nee tanyoj taq ak'ux. Eh cha a'n taq atiij chikiij chu'nchel santo laj aj nimaneel.

Eh chakoj taq chi ko'lemb'al awiib' chu'nchel i runimaal rajaawriik i Dios ruye'em taq aweh. Chi je' re', ma' nee ta ruyoj taq ak'ux i aj Yahm nik' nee raaj taq aajot'ariik

Ruum aj re', chu'nchel i rajaawriik i Dios ruye'em taq chaaweh kamanoq taq aweh chi ko'lb'al taq awiib'. Ruuk' i re', nee taq inakuy ransil i ti' k'axik nik' neenchalik taq cha naah, noq areqem taq chik rukowiil ak'ux.

Eh re' ta naq i ruye'ariik taq ak'ux chi nimanik i nee taq inakoj chi jilow apulato ch'ihch'. Reh chi ma' xta taq neetiruchej i je' ch'aab' qoplik ruq'aq'al i rukoj chi jot'b'al i aj yahm. Re' ko'lemb'al iib', kamanoq taq aweh chi jilow ach'ihch' puneet. Eh re' ruq'oral i Dios i ruyeew taq aweh i Santolaj Uxlab'al, kamanoq taq aweh chi jilow taq ach'ihch' k'ul q'as.

Eh kow-oq taq ak'ux, xti cha yejaa' taq awiib' ruuk' i korik laj ruq'oral i Dios. Eh re' korik laj k'acharik taq neena a'n neenko'linik taq aweh chuwach i aj yahm. Xa eliik-oq wo' taq ayejaam awiib', reh chi nee taq tiooj chuq'orariik i ak' k'uhb'aal inye'wik qeh pansuqkiil k'uxliis.

Eh yu'naak hermano, i nuq'or taq aweh chi chasik' taq rukowiil ak'ux ruuk' i runimaal rajaawriik i QaJaaw Jesucristo.

Ruum re' peet k'uhb'aal, inq'orik rib'iral chi wilik i naa ruye'ariik qeh, je' wili ruq'or: Chak'ax taq atuut awajaaw, reh chi suq taq nee ti wihik, eh chi nee najtb'ik rooq taq aak'achariik ayu' wach ak'al, inki.

Hat taq ak'uunb'ees ixq'uunb'ees cha nimaj taq atuut awajaaw je' rukab' iraaj i QaJaaw, ruum re' re' i ruk'ul chi b'anarik.