Popular Bible Verses from Ecl 9

Share

Chu'nchel i neeruyee riib', i nee nakuy rub'aan, cha a'n. Ruum noq wilkaat chik panjul i ojik i na a'n wii', ma' xta chik i kamanik, ma' xta chik naa rukapeb'jiik, eh ma' xta chik i na'ojb'al naa rub'aan.

Re' hin jinaj wo' chik i xwilow wach ak'al. Re' chi ma' re' taj i kow kiajiminik kielik korik. Eh ma' re' taj i kow kiib' i kielik korik ruuk' i peleto. Ma' re' taj i wilik kina'ojb'al wilik kiwa' kihaa'. Eh ma' xta kib'ehomal i wilik kina'ojb'al, ni xata re' taqe i tijimaj suq kik'ulariik imb'aan, ma' keht'al taj jaruuj inchalik i ti' k'axik chikinaah.

Cha a'n rusuqkiil ak'achariik ruuk' awehk'een q'e' nak'ax, cha a'n rusuqkiil aak'achariik xa ik'ik reh chinaah i wach ak'al wili xama' xta ruk'am chaloq, ruum xa re' wo' re' i suq i ruk'am cha weh i kowlaj kamanik i na a'n chinaah i wach ak'al wili.

Eh cha a'n awa' chi suq ak'ux chawuk'ej i riis i uuva chi suq awánima. Re' holohik cha a'n reh chi neemponik chuwach i Dios.

Eh q'e' chihooj i wilik runa'ojb'al chuwach i tz'a'amb'al reh q'aq'inik. Xa re' la' re' jinaj chi aj mahk neerusach wach chu'nchel i holohik.

Re' i ruq'oral i wilik runa'ojb'al atoob' ta q'uun i ruq'or i nib'irjik chuwach noq i ruk'er chii' jino'q i reey chi kiq'orob'jiik i ma' kinimanik taj.

Re' taqe i k'achalkeeb' keht'al chi naakikimiik. Eh re' taqe kamnaq ma' xta chik i keht'al, ma' xta chik i kitojb'aal naakik'ulum ruum xisahchik chik pank'uxliis.