Popular Bible Verses from Ecl 7

Share

Maa nchalik ak'aah chi jumehq'iil ruum xa re' wo' taqe i ma' xta kina'ojb'al inchalik kik'aah chi jumehq'iil.

Nik' ma' xta reet wilkaat cha a'n rusuqkiil. Eh nik' ti' wilkaat xa chak'ulaa', cha kapaaj riij chi re' suq laj wihik, i ti' laj wihik re' wo' i Dios inye'wik reh. Re' ju'jun ma' reht'al taj i naa ruchaliik chinaah.

Q'e' chihooj i rukuxeesjiik jino'q i chib'ih jariik chuwach i rutik'ib'jiik. Eh q'e' chihooj chi xa hat kuyuul chuwach chi q'e' hat kow neena a'n awiib'.

Xti korik wo' hoq chi ma' xta jino'q i winaq xti korik wach ruk'ux, eh chi ma' ta nee rutz'a'j ruuk' i mahk chi jumpech.

Re' holohik laj na'ojb'al inkamanik chi toob'al reh i ju'jun, je' wo' hoq i tumiin. Xa re' la' re' wilik runa'ojb'al i ruko'leej riij i ruk'achariik.

Noq holohik rib'iral jino'q xiik' naah chihojal chuwach ink'ohnik laj iq'oom Eh q'e' wo' chihooj i kimik, chuwach i aasjik.

Q'e' chihooj chi neenib'irjik i q'ilooj i rub'an i wilik runa'ojb'al, chuwach chi neenqayeew ruloq'il inki a'n i ma' xta kina'ojb'al.

Eh q'e' wo' chihooj ojik chupaam i paat wilik wii' i kamnaq, chuwach ojik chupaam i paat k'ahchi' wii' i ninq'ijinik. Ruum re' i kimik k'ahchi' ruye'em i k'achareel, awach i kok'achlik inchol rukapaam riij.

Re' wilik runa'ojb'al ar wilik reje i rukapeew chupaam i paat wilik wii' kamnaq. Eh re' i ma' xta runa'ojb'al ar wilik reje i rukapeew chupaam i paat wilik wii' i ninq'ijinik.