Popular Bible Verses from Ecl 4

Share

Ma' xta reet chi pankib'al neenb'aan i kamanik, chuwach chi xa jinaj neemb'anik reh, ruum pankib'al k'ihtz'aaq kikamaj. Ruum wila' xq'ehb'ik i jinaj, re' chik i jinaj neen nuksanik reh. Eh re' rutkeel riib' q'e' ti' i neeruk'ul ruum wixq'ehb'ik ma' awach ta nenuksanik reh.

Awach i rutkeel riib' neerutik'aa' peleto neemb'aan reh, eh wila' pankib'al xkik'ulb'ilej ma' nee tamb'aan reh, je' rukab' i k'ahaam ixib' wach ma' nk'up ta chi jumehq'iil.

Eh je' wo' noq pankib'al neemb'aan wirik k'ul neenkiq'ixineej kiib'. Eh re' i rutkeel inwirik ma' awach ta neen q'ixinb'isanik reh.

Re' hin i nuq'or chi ma' xta reet chi nee ruq'ahcheej i q'ab' chi' ruk'ux jino'q i winaq, chuwach chi nee rukansaj riib' chi kamanik, eh xaruti'kiil ruk'ux i neenye'arik.

Eh nukoj wo' rehtaal chi awach i rumol chib'ih reh ruuk' i kowlaj kamanik i rub'an, i rutoq'aa' kaqwachiil ruuk' i ras ruchaaq', chu'nchel i re' ma' xta ruk'am chaloq, xaruti'kiil k'uxliis i ruyeew.

Q'e' chihooj i k'ijool ak'un atoob' ta xa neb'aa' tiih, chuwach jino'q i reey xa rijib' chik, ma' nimanik taj, eh ma' raaj ta chinkojarik runa'ojb'al.