Popular Bible Verses from Dan 2

Share

Je' wili i xuq'or: Neeta naq inye'arik ruloq'il chi junelik i QaJaaw Dios wilik cho pan taxaaj, ruum xa re' wo' reh inye'wik i na'ojb'al, i ajaawriik. Re' reh inye'wik i jab' q'iij, i siq'jil q'iij. Re' reh inkojwik taqe i reey, re' i reh ineesanik reh, eh i ruyeew kina'ojb'al i wilik kina'ojb'al re' wo' reh inye'wik ki kapeb'al i wilik kikapeb'aal. Re' i Dios i ruyeew chi naab'jik i nimaq wach na'ojb'al ma' awach ta naab'inik reh, reht'al chib'ih jariik i wilik panq'equm, ruum re' reh i saqum.

Re' Daniel je' wili i chaq'wik xub'an: Re' hat qajaaw reey re' inawaaj anab'eem ni xata re' wilik kina'ojb'al, ni xata re' taqe i aj q'iij, ni xata re' taqe i kisik'wik chi riij i ch'umiil neekiq'orik aweh. Xa re' la' wilik jinaj i Dios pan taxaaj i ruch'ob' rub'ehel i ma' inkan ta chi riij. Eh ruuk' i xuk'uhtaaj aweh i re' re' xuyeew aweh chi naab'jik i ma' eht'alimaj ta naq naa ruk'ulariik. Re' hin naa nuq'orom aweh i xk'uhtjik aweh panawiriik je' wo' hoq chib'ih i ruq'or.

Eh chupaam taqe i q'iij re' re', re' i QaJaaw Dios wilik cho pan taxaaj naa rupab'aam jinaj naa ruwihiik rajaawriik. Ma' awach ta naa ruq'atwiik wach i rajaawriik, eh ma' jaruuj naa rusachariik wach. Re' reh ma' xta naa ruuchjiik ruum i tokoom tinamit naa la' rusacham kiwach, re' reh naa ruwihiik chi juneliik.